پشاور ۔ 10 اپریل (اے پی پی) مزن وزیر عمران خان ءَ گشتگ کہ کورونا وائرس ءِ حلاپ ءَ اولی سرپءَ کار کنوکیں ڈاکٹر ءُ طبی عملہ ءِ رکینگ حکومت ءِ اولی دلگوشی اِنت، سرجمیں راج گوں آیاں ہم کوپگ اِنت، ملک ءَ اے ماہ ءِ گڑ سرءَ کورونا وائرس ءِ کیس گیش بوت کناں۔ اے ھیالانی درشانی آئیءَ جمعہ ءِ روچءَ حیات آباد میڈیکل کمپلیکس ءَ گوں ڈاکٹر آں تران کنانءَ کتگ۔ مزن وزیر عمران خان ءَ گشتگ کہ کورونا وائرس ءَ چہ ودی بوتگیں جاورھالاں یک راجے جوڑ بوہگءُ دیمپانی کنگی اِنت، کورونا شنگ بوہگءَ انچو سما بیت کہ اے ماہ ءِ گڑ سرءَ ہم کورونا ءِ کیس گش بوت کناں، کیس گیش بوہگءَ نادراہ جاہ آنی سرءَ زمہ واری ءُ بار گیش بیت۔آئی ءَ گشتگ کہ جاورھالاں دیما ایر کنگ ءُ گامگیج کنگ بوہگ ءَ اِنت، مالوٹاں کہ کورونا ءِ جاورھال ءِ ردءَ لاک ڈاؤن ءِ سوب ءَ مُز گر آماچ مہ بنت ءُ کورونا ہم شنگ مہ بیت۔
