اسلام آباد ۔ 10 اپریل (اے پی پی) ملک مستر ڈاکٹر عارف علوی ءَ نیشنل ڈیزاسٹرمنجیمنٹ اتھارٹی ( این ڈی ایم اے ) ءِ چیئرمین لیفٹیننٹ جنرل محمد افضل ءَ را نادراہ جاہ آں ذاتی رکینگی سامان ءُ دگہ المی طبی سامان سرکنگ ءِ پنتءُ شون کتگ تنکہ کورونا ءَ چہ آماچ بوتگیں نادراہ آنی علاج کنگ بہ بیت۔ اے پنتءُ شون آئیءَ جمعہ ءِ روچءَ این ڈی ایم اے ءِ چیئرمین ءِ نیمگءَ چہ داتگیں یک شونست ءَ دیئگ بوتگ۔ لیفٹیننٹ جنرل محمد افضل ءَ گشتگ کہ فرنٹیئر ورکس آرگنائزیشن ( ایف ڈبلیواو) کورونا نادراہ آنی ھاترءَ اسلام آباد ءَ 282نپادانی نادراہ جاہے جوڑ کنگ ءَ اِنت۔ ملک مستر ءَ انوگیں کورونا ہوپءَ را گرءُ دار کنگءِ ھاترءَ این ڈی ایم اے ءِ نیمگءَ چہ کتگیں گامیگج ساڑاتگ اَنت ءُ این ڈی ایم اے ءِ چیئرمین ءَ را اے ہوپ ءِ حلاپءَ گیش گامگیج چست کنگ ءِ پنت ءُ شون کتگ۔
