پشاور ۔ 10 اپریل (اے پی پی)مزن وزیر عمران خانءَ جعمہ ءِ روچءَ حیات آبادمیڈیکل کمپلیکس ءِ ترءُ تاب کتگ۔ مزن وزیر ءَ را کورونا وائرس ءِہوپ ءِ جاورھال ءُ آئیءِ گرءُ دار کنگءِ ہوالگءَ گامگیجانی سرءَ شونست دیئگ بوتگ۔ مزن وزیر کارگس ءِ میڈیا ونگ ءَ چہ جاری بیانءِ ردءَ حیات آباد میڈیکل کمپلیکس ءِ ترءُ تاب ءِ موہءَ بنجاہی وزیر اسد عمر، ملکی وزیر شہریار آفریدی، حاسیں کمک ڈاکٹر ثانیہ نشتر، خیبرپختونخوا ءِ گورنر شاہ فرمان ءُ سروزیر محمود خان ءُ جانءُ سلامتی ءِ صوبائی وزیر مزن وزیر عمران خان ءِ ہمراہ بوتگ اَنت۔ اے موہءَ مزن وزیر ءَ را سرجمیں صوبہ ءَ کورونا وائرس ءِ ہوپ ءِ ہوالگءَ جاورھال ءُ گرءُ دار کنگءِ ہوالگءَ گامگیجانی سرءَ شونست دیئگ بوتگ۔
