اسلام آباد ۔ 10 اپریل (اے پی پی) کوروناءِ ہوپ ءَ را گرءُ دار کنگ ءِ ھاترءَ جانءُ سلامتی پڑءَ را پراہ ءُ شائگان کنگ ءِ ھاترءَ این ڈی ایم اےءِ نیمگءَ چہ بہازُرتگیں سامان آنی یک کھیپ اسلام آباد ءَ سربوتگ۔ اے سامان این ڈی آر ایم ایف ءُ ایشیائی دیمروئی بینک ءِ نیمگءَ چہ داتگیں 50 ملین ڈالر ءِ کمکی زراں چہ بہازورگ بوتگ۔ این ڈیم ایم اے ءِ جارچین ءِ گشگ ءِ ردءَ چین ءَ چہ اسلام آباد سربوتگیں گراب ءَ 2000 ٹیسٹنگ کٹس، 50موبائل ایکسرے مشین، 1 لکھ ءِ این ۔95ماسک، 5 لکھ میڈیکل ماسک، 10 ہزار سرجیکل گاؤن ہوار اَنت۔ این ڈی ایم اے ءِ نیمگءَ چہ دگہ سامان ہم بہازورگ بوتگ کہ دیما پاکستان ءَ سرکنگ بنت۔ دگہ بہازُرتگیں ساماناں سکریننگ کٹ، آئی سی یو ءُ وینٹلیٹر ہم ہوار اَنت۔
