احساس ایمرجنسی کیش پروگرام ءِ درگت ءَ ھپتگ ءِ سہب ءِ تاں 8171 سرا مارا 6 کروڑ 27 لکھ 50 ہزار 461 ایس ایم ایس سر بوتگ انت، ڈاکٹر ثانیہ نشتر

اسلام آباد ۔ 11اپریل (اے پی پی) احساس ایمرجنسی کیش پروگرام ءِ درگت ءَھپتگءِ سہب تاں 8171 سرا مارا 6 کروڑ 27 لکھ 50 ہزار 461 ایس ایم ایس سر بوتگ انت۔ مزن وزیر ءِ ھاسین کمکار برائے تخفیف غربت ءُ چاگردی رکھگ ڈاکٹر ثانیہ نشتر ءَ وتی بیان ءِ ت گوشت کہ ہمہ حقداریں مردماں ھم حکومت ءَ چہ احساس ایمرجنسی کمک لوٹگ انت آں 8171 سرا وتی شناختی کارڈ نمبرءَ دیم دنت۔آہاں گوشت کہ اے کلوھ ءَ را سوشل میڈیا ءِ وسیلگ ءَ حقدارانی تاں سر کن انت تنکہ گیشاں گیش مردم اے پروگرام چہ نپ چہ چست کت کن انت۔ثانیہ نشتر ءَ گوشت کہ پے منٹ ءِ دمگانی سرا حفاظتی گامگیج کتگ انت۔احساس صارفین ءِ جان سلامتی ءُ رکھگ ءَ را سدکی جوڈ کنگ ءِ ھاترا بائیومیٹرک پےمنٹ سینٹر ءُ اودی ہڈ کاونٹرزءِ کساس ءِ تہ ودکی کنگ بوتگ انت تنکہ مردم مچ مہ بہ بنت۔اللہ ءِ شکر انت کہ احساس ایمرجنسی کیش ءِ 12,000کلدار ہمک ھاندان کمکی کلدارءِ دیگ برجاہ انت۔پورھیاگر براتانی احساس کنان ءَ حکومت ءَ احساس ایمرجنسی پروگرام ءِ 8171 ایس ایم ایس سروس ءَ را مپت کتگ انت۔نوں پروگرام ءِ تہ ھوار بوھگ ءِ ھاترا موبائل بیلنسءِ ابید ھم ایس ایم ایس دیم دیگ بیت۔پدر بہ بیت کہ پروگرام ءِ سرا گوں ترندی ءَ وڈءُ پیم کنگ بوھگ انت ،پروگرام ءِ ردا یک کروڑ20 لکھ خانداناں را 12000 کلدار دیگ بوھگ انت۔