اسلام آباد ۔ 11 اپریل (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) ءِ چیئرمین لیفٹیننٹ جنرل محمد افضل ءَ گوشت کہ پاکستان ءَ کورونا وائرس ءِ پجارءِ ھاترا 75 روچ ءِ تاں ٹیسٹنگ ءِ صلاحیت حاصڷ کتگ۔استیں ضلورت ءِ ردا ٹیسٹنگ کٹس ءُ دگہ طبی سامان ءِ تہ ہچ کمی نیست انت، این ڈی ایم اے ءَ صوبگءَ را جندی وڈءَ سامان پھجاراتگ وھدیکہ درآمد کتگیں ودک ءِ سامان پھجارگ بیت ،اے ھیالانی درشان آہاں ھپتگ ءَ ادا اسلام آبادانٹرنیشنل ائیرپورٹ سرا چین ءَ چہ سر بوتگیں سامان ءِ وصولی ءِ پدا کتگ، وزیر مملکت برائے موسمیاتی تبدیلی زرتاج گل ھم ساڑی ات، چیئرمین این ڈی ایم اےءَ گوشت کہ اے گپ راست نیست انت کہ تنیگکہ ٹیسٹاستیں ضلورتءَ چہ کم انت۔اے وھد ءَ سئے ہزار ءَ چہ چار ہزار ہمک روچ ٹیسٹ بوھگ انت ءُ آہانی کساس گیش بوھگ انت۔آہاں گوشت کہ پاکستان ڈیلی 30 ہزار چہ 40 ہزار ٹیسٹ کنگ ءِ صلاحیت ایر کنگ انت ءُ مہ ایشی ءِ استعداد ءَ را گیش کنگ اوں۔ چیئرمین این ڈی ایم اے ءَ گوشت کہ کورونا وائرس ءِ پجار ءُ گرودار ءِ ھوالہ چہ درکار ٹیسٹنگ کٹس ءُ دگہ سامان ءِ ہچ کمی نیست انت۔ این ڈی ایم اے ءَ وتی بستارءَ پاک فوج ءَ چہ کمک ءَ گوں صوبگاں راطبی سامان پھجاراتگ انت۔آہاں گوشت کہ پی آئی اے ءِ 777گراب چینگڈو چہ 22 ٹن سامان زرت مروچی سر بوتگ۔سامان ءِ تہ 59 ونٹیلیٹرءُ936 کلو گرام سرجیکل ماسک ھم ھوار انت۔ایشی ءِابید تھرمومیٹر ءُ پروٹیکٹو لینس ھم سامان ءِ تہ انت۔
