اسلام آباد ۔ 11 اپریل (اے پی پی) دری معاملہانی بنجاہی وزیر مخدوم شاہ محمود قریشی ءَ گوشت کہ ہزاراں پاکستانی تنیگہ وتن ءَ واتری ءِمنتظر انت،ڈن ملک چہ پاکستانیانیءَ را واتر آرگ ءِ ھاترا یکجاھیں وڈءَ پدریں ایس او پیءُ پروٹوکول جوڈ کتگ ات۔ دری کارانی وزیر ءَ را دری معاملہانی کارگس ءِ تہ اوورسیز پاکستانیز ءَ را واتری ءِ عمل ءِ چارءُ تپاس گرگ ءِ ھاترا ھاسیں دیوان ءِ سروکی کنگ ات۔دیوان ءِ تہ چیئرمین پارلیمانی سب کمیٹی برائے مسائل تبلیغی جماعت شہریار خان آفریدی، اسپیشل سیکرٹری خارجہ معظم علی خان، ڈی جی نیشنل کرایسز مینجمنٹ یونٹ سلمان اطہر ءُ وزارت خارجہ ءِ ٹوھیں افسراں بھرزوراتگ۔دری کارانی وزیر ءَ گوشت کہ مہ ڈن ملک ءَ چہ پاکستانیاں را واتر آرگ ءِ ھاترامتفقہ وڈءَ پدریں ایس او پیز ءُ پروٹوکول جوڈ کتگ ات۔آہاں گوشت کہ تنیگہ مہ 9 ھاسیں فلائیٹ ءِ وسیلگ ءَ ڈن ملک ءَ نشتگیں 1600 چہ گیش پاکستانیءَ را واتر آرتگ انت بلے ہزاراں پاکستانی انوں ھم واتر بوھگ ءِ واھگدارانت۔مارا وتن واتری وھگدارڈن ملک ءَ نشتگیں مردمانی تکلیپ ءِ احساس انت ءُ مہ دراھیں پاکستانی سفارتجاھ ءَ را وتی پاکستانی براتانی ھاسیں ھیالداری ءِ کڈنی داتگ انت۔ شاہ محمود قریشی ءَ گوشت کہ کینیا، تنزانیہ، سوڈان ءُ اودا کہ مئے تبلیغی گل ءِ مردم انت مئے ایمبیسیڈر گوں آہاں سرجم رھوت ءِ تہ انت۔ وزیر مملکت شہر یار آفریدی ءَ گوشت کہ ہمہ وڈءَ دری معاملہانی کارگس ءَ ءُ پاکستانی سفارت جاھ ءَ ہمہ وڈءَ کہ سرجمیں دگنیا ءِ تہ بالی پٹ ءِ سرا ساڑی پاکستانیانی ھیال ایر کتگ ہما ستا ءِ لائق انت۔ایشی ءِ سرا دری کارانی وزیر ءَ را مراد بات داتگ۔
