پروگرام ءَ چہ 1 کروڑ 20 لکھ ھاندان آناں سیت رسیت، مزن وزیر ءِ ھاسیں کمکار برائے گریبی ءُ چاگردی ءِ رکھینوک ڈاکٹرثانیہ نشتر ءِ اسلام آباد ءَ جتا جتائیں کیشن ڈسٹربیوشن سینٹرز آنی تر ءُ تاب ءِ موہ ءَ تران
اسلام آباد ۔ 9 اپریل (اے پی پی) احساس ایمرجنسی کیش پروگرام ءِ چیر دستی ءَ اولی بھرر ءَ احساس کفالت سبزکرائیبر آناں 12000 کلدار دیگ بندات کنگ بوتگ، پروگرام ءَ چہ 1 کروڑ 20 لکھ ھاندان آناں زر پجاری کنگ بیت، زرّ آنی بھر ءُ بانگ ءِ ساھت ءَ مردم یک ءُ دگر ءَ گستا بہ بنت، دستاں بہ شود انت، سپائی ءُ کرونا وائرس ءَ چہ رکھگ ءِ واستہ توامیں پھریزگی کار آنی پد ءُ رند ءَ بکن انت، مزن وزیر ءِ ھاسیں کمکار برائے چاگرد ءُ گریب آنی رکھینوک ڈاکٹر ثانیہ نشتر ءَ احساس ایمرجنسی کیش پروگرام ءِ ھوالگ ءَ اسلام آباد ءَ جتا جتائیں کیش ڈسٹریبیوشن سنٹر آنی تر ءُ تاب کت ءُ بری امام دربار ءِ نزیک ءَ استیں احساس کیش ڈسٹربیوشن سینٹرز آنی تہ ءَ زالبول آناں کیش دیگ بوت۔ اے ساھت ءَ ڈاکٹر ثانیہ نشتر ءَ زالبول آنی جیڈھ گوشدات انت ءُ احساس کفالت پروگرام ءِ سیت مند آنی واستہ آوانی سر ءُ سوج کت۔ آئی ءَ گوشت کہ اے پروگرام ءِ وسیلگ ءَ بجاھی حکومت یک کروڑ بیست لکھ ھاندان آناں 12000 کلدار ھمک ھاندان ءَ را پجارین ایت۔ اے رد ءَ 17000 پوائنٹس نامینگ بوتگ۔ ءُ زرّ کیش دیگ جاھ آناں کرونا ءِ واستہ ھاسیں گامگیج کنگ بوتگ۔ آئی ءَ گوشت کہ فیلڈ وزٹ ءِ مول ءُ مراد اے زالبول آناں کیشن دیگ ات ھما مردم آنی گس ءَ کورونا ءِ سبب ءَ ڈن ءَ شت نہ کناں گشتریں مردم اے زرّ آناں راشن زورگ ءِ واستہ کارمرد کن انت۔
