اسلام آباد۔ 09اپریل(اے پی پی) وزیراعظم نا خصوصی کمکار قومی جان جوڑی ڈاکٹر ظفرمرزا پارینے کہ حکومت کوروناوائرس تون مون تننگ کن پبی عملی گام گیج آتے پک کننگ ءِ، ڈریپ کلوروکوئن نا خام مال انا ہندی وڑاٹ تیاری تون اوار کوروناکن پلازما تھراپی نا کلینیکل ٹرائلز آتاہم موکل تسنے۔ وزارت جان جوڑی نا کنڈآن جاری بیان اٹی ڈاکٹر ظفر مرزا پارے کہ حکومت کوروناوائرس تون مون تننگ کن پبی عملی گام گیج آتے پک کننگ ءِ۔ اوپارے کہ ڈریپ کلوروکوئن نا خام مال انا ہندی وڑاٹ تیاری تون اوار کوروناکن پلازما تھراپی نا کلینیکل ٹرائلز آتا ہم موکل تسنے۔ ڈریپ پاکستان اٹی تیار مروک آ وینٹی لیٹرز آتا کلینیکل ٹرائلز نا موکل ءِ ہم تسنے۔ یات سلے کہ پاکستان انجینئرنگ کونسل نا تیارکروک وینٹی لیٹرزآتے کاریم اٹ اتنگ آن مست ٹیسٹ کننگ انگ ءِ۔ کوروناوائرس نا توننگ کن ڈریپ نا کنڈآن 50آن زیات کمپنی تے 3تُواکن ہینڈ سینیٹائزر جوڑ کننگ نا موکل و سینیٹائزر آتا فراوانی ءِ پک کننگ کن ڈریپ منہ دے مست نوٹیفکیشن اس جاری کریسس۔ لسین ہلوک کمپنیک ڈبلیو ایچ اونا پارت آتارداٹ آب اٹ ہینڈ سینیٹائزر تیار کیرہ۔
