کوئٹہ۔ 09اپریل (اے پی پی) وزیراعظم عمران خان پارینے کہ کوروناریلیف ٹائیگر فورس اٹ ورناک و زند انا چندی بشخ آتیان تعلق تخوک آ بندغ آتا پبی بشخ ہلنگ و زہمی خلقت نا خذمت نا جوزہ بے کچ است بڈی اسے، آزمائش نا داساہت اٹی پبی السی خذمت نا جوزہ وخت انا اہم ءُ گرج اسے۔ داخیال آتا درشانی ءِ وزیراعظم پاکستان تحریک انصاف نا صوبہ بلوچستان آن تعلق تخوک آ پارلیمنٹیرینز آتا ڈل اتون اوڑدہی ٹی کرے ہرافک پنچ شنبے نادے آ کوئٹہ ٹی اوڑتون اوڑدہی کریر۔ پارلیمینٹرینز آک وزیراعظم ءِ کوروناوائرس نا زہمی تا کمک ءِ کننگ کن تینا رضاکارانہ خذمت آتے پیش کریر۔ وزیراعظم پارلیمنٹرینز آتا جوزہ غاتا ستاءِ کرے و پارے کہ آزمائش نا داوخت اٹی پبی السی خذمت نا جوزہ وخت انا اہم ءُ گرج اسے۔ وزیراعظم پارے کہ کوروناریلیف ٹائیگر فورس اٹ ورناک و زند انا چندی بشخ آتیان تعلق تخوک آ بندغ آتا پبی بشخ ہلنگ و زہمی خلقت نا خذمت نا جوزہ بے کچ است بڈی اسے۔
