اسلام آباد۔ 08اپریل (اے پی پی) وزیراعظم نا سلاہکار پارلیمانی امور بابر اعوان عہدہ نا چارج ءِ سنبھالانے۔ وزارت پارلیمانی امور نا ترجمان نارداٹ چارشنبے نادے آ بابر اعوان عہدہ ناچارج ءِ سنبھالا۔ بابر اعوان چارج ءِ سنبھالنگ تون پارلیمنٹ اٹ زیر التواء کانودسازی نا سرجم آتے بٹنگانے۔ وزارت نا سیکرٹری نا کنڈآن زیر التواء بلز و حکومتی فیصلہ غاتے فعال کننگ آ حوال ترسا پارے کہ قومی اسمبلی نا قائمہ کمیٹی تیٹی کانود سازی نا 35بل سلوک ءُ و سینیٹ قائمہ کمیٹی تیٹی 8اہم کانودسازی نا بل پدسلوک ءُ۔ ترجمان پارے کہ بابراعوان پارلیمنٹ اٹی کانودسازی نا عمل ءِ ترند کننگ کن اہم رابطہ غاتا فیصلہ ءِ کرینے و پنچ شنبے نادے آ وزیراعظم عمران خان ءِ ہم اہم باندات آتیا حوال تننگک۔
