اسلام آباد ۔ 8 اپریل (اے پی پی) مزن وزیر ءِ راجی جانءُ سلامتی پڑءِ حاسیں کمک کار ڈاکٹر ظفر مرزا ءَ گشتگ کہ بنجاہی حکومت ملک ءَ کورونا وائرس ءِ ہوپ ءَ را گِرءُ دار کنگءِ ھاترءَ ہرچ وڑیں کوشستءَ کنگ ءَ اِنت۔ کورونا کیس آنی ہوالگءَ کہ ھساب گیشینگ بوتگ آ حسابءَ چہ کم کیس رپورٹ بوتگ اَنت۔ اے ھیالانی درشانی آئی ءَ چارشمبےءِ روچءَ مزن شاہ آمید گس ءِ ڈن ءَ میڈیا ءَ گوں گپءُتران کنانءَ کتگ۔ آئیءَ گشتگ کہ حکومت کورونا وائرس ءِ گرءُدار کنگءِ ھاترءَ ہرچ وڑیں کوشست کنگءَ اِنت۔ آئیءَ گشتگ کہ کورونا وائرس ءِ کیس آنی ہوالگءَ انچو کُڈ جنگ بوتگ کہ اینچو کیس دیما کیئت بلے سرجمیں ملک ءَ کم کیس رپورٹ بوتگ اَنت، کورونا وائرس ءِ ہوپءَ چہ ہم کم مردم بیران بوتگ اَنت۔ اے موہ ءَ چہ آمید گسءَ پُتیرگءَ حاسیں کمک کار ڈاکٹر ظفر مرزاءِ ٹیمپریچر تپاسگ بوتگ کہ 97درجگ فارن ہائیٹ بوتگ۔ حاسیں کمک کار آمید گس ءَ کورونا وائرس ءَ چہ رکینگ ءِ ھاترءَ بنجاہی حکومتءِ نیمگءَ چہ چست کتگیں گامگیجانی سرءَ شونست دیئگءِ ھاترءَ پیش بوتگ۔ مزن شاہ آمید گس ءَ کورونا وائس ءَ را گرءُ دار کنگ ءِ ھاترءَ حکومتی گامگیجانی سرءَ شونست لوٹ اِتگ بوتگ۔
