حکومت کوروناوائرس نا توننگ کن ہروڑنا کوشست کننگ ءِ
اسلام آباد۔ 08اپریل (اے پی پی) وزیراعظم نا خصوصی کمکار قومی جان جوڑی ڈاکٹر ظفرمرزا پارینے کہ بنجائی حکومت ملک آن کوروناوائرس نا دین انا توننگ کن ہروڑنا کوشست کننگ ءِ، کوروناوائرس نا بابت ہراکساس ءِ خلنگاسس، اونا حساب آن کم کیس رپورٹ مسنے۔ داخیال آتا درشانی ءِ او چارشنبے نادے آ سپریم کورٹ نا پیشن میڈیا تون گپ وتران کرسا کرے۔ خصوصی کمکار پارے کہ حکومت کوروناوائرس نا توننگ کن ہروڑنا کوشست کننگ ءِ۔ اوپارے کہ کوروناکیس آتا بابت ہرا کساس ءِ خلنگاسس، مچ آملک اٹی داڑآن کم کیس رپورٹ مسنے، کوروناوائرس نا دین آن زوال آک ہم کساس آتیان کم مسنو، داوخت آ عدالت نا دنگ اٹ پترینگ انگ آ خصوصی کمکار ظفرمرزا نا ٹیمپریچر ءِ چیک کریر ہرا 97درجہ فارن ہائیٹ ئس۔ خصوصی کمکار عدالت عظمیٰ ٹی کوروناوائرس آن رکھ مننگ کن بنجائی حکومت ناکنڈآن چست کروک گام گیج آتیا حوال تننگ کن پیش مس۔ سپریم کورٹ کوروناوائرس تون مون تننگ کن حکومتی گام گیج آتیا بریفنگ طلب کریسس۔
