اسلام آباد۔ 08اپریل (اے پی پی) عراق اٹی اختہ پاکستانیک چارشنبے نادے آ پی آئی اے نا خصوصی جہاز اٹ وطن کن رادہ مسر۔ عراق اٹی پاکستان نا سفیر ساجد بلال و اونا عملہ اختہ پاکستانی تے بغداد نا بالی پٹ آن رخصت کریر۔ اختہ مسافر آتے ٹی معذور، زالبول، بزرگ و چناک ہم اوار ءُ۔ داوخت آ بغداد بالی پٹ آ پاکستان زندہ باد نا نعرہ غاتاتوار پناکہ، مسافرآک است انا حب اٹ پاکستان نا سلامتی و بقاء کن دعاخوائسر۔ پاکستان نا سفیر ساجدبلال جہاز انا عملہ تون ہم اوڑدہی کرے و اوفتا خذمت آتا ستاءِ کرے۔
