کوروناریلیف ٹائیگر فورس ءِ زوت آپریشنل کننگ نا پلان ءِ ترتیب تننگا، منہ دے اٹی ضلعی انتظامیہ تون اواری اٹ متحرک کننگک، عثمان ڈار
اسلام آباد۔ 08اپریل (اے پی پی) کوروناوائرس نا سوب آن زہمی دیہاڑی دار تپہ ءِ دمدستی ریلیف فراوان کننگ کن کوروناریلیف ٹائیگر فورس ءِ زوت آپریشنل کننگ نا فیصلہ ءِ کننگانے۔ ٹائیگر فورس احساس پروگرام نا رداٹ مزور و حقدار بندغ آتسکان کمک سرکیک۔ وزیراعظم نا پارت آ خصوصی کمکار امور نوجوانان عثمان ڈار و خصوصی کمکار تخفیف نیزگاری و راجی رکھ ڈاکٹر ثانیہ نشتر پلان اس ترتیب تسنو۔ چارشنبے نادے آ اسہ بیان اسے ٹی خصوصی کمکارامور نوجوانان عثمان ڈار پارینے کہ منہ دے اٹی ضلعی انتظامیہ تون اواری اٹ ٹائیگر فورس ءِ متحرک کننگک۔ مشکل ساہت اٹی حکومت حقدار بندغ آتسکان تینٹ سرمریک۔ ٹائیگر فورس اٹ اوار ورناک بے کچ حقدار و بے روزگار مزور آتا پیدواری ءِ کیرہ۔ خصوصی کمکار تخفیف نیزگاری و راجی رکھ ڈاکٹر ثانیہ نشتر پارینے کہ فیصلہ ءِ امداد سرکننگ نا وڑوڈول اٹی ترندی اتنگ کن کننگ انگ ءِ، ‘‘احساس’’ اسکور کارڈ انا آب آ پورو سلوک آتا دمدستی کمک ممکن مننگ کیک۔ ٹائیگر فورس سسٹم اٹ اندراج آن رہینگوک آ مزور و دیہاڑی دار بندغ آتسکان سرمرینہ۔
