اپوزیشن رپورٹ ءِ سیاسی رنگ تننگ نا جاگہ غا عمران خان نا جوزہ نا ستاءِ کیر
اسلام آباد۔ 08اپریل (اے پی پی) وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پارینے کہ اپوزیشن رپورٹ ءِ سیاسی رنگ تننگ نا جاگہ غا عمران خان نا جوزہ غاتا ستاءِ کیر ہراتاریخ اٹ خوداحتسابی نا روشناءُ مثال اس جوڑکرے، حکومت آ وار کننگ نا جاگہ غا اپوزیشن ءِ تینا حساب ءِ تروئی مریک، اوفتا تاریخ فائدہ غاتا ٹکراؤآن پُرءِ۔ چارشنبے نادے آ وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پارے کہ قوم ہمووخت ءِ گیرام کتنے ہراتم مارباوہءِ، تاتہ ایلم نا مارءِ و صدر انور مجید ءِ سبسڈی تسکہ، مسابقتی کمیشن کون آ ادارہ اوفتا دوتے اٹ یرغمال جوڑکروک ئس، ہموڑے ہمو بندغ تعینات مسکہ ہرا دا مافیا نا فائدہ غاتے رکھ تسکہ، 6خاہوت50درسد آن زیات بورہ غاکنٹرول کریرہ۔ اوپارے کہ مستین اٹی الس نا جاگہ غا خاص انگا تپہ غاک فائدہ ہرفساکریر، پوسکن آ پاکستان اٹی دانا اسُل موکل مفک، وزیراعظم عمران خان تینا عمل اٹ ثابت کرے کہ ہچ ءُ کانود آن ایڑتر اف، عمران خان یا اونا خاہوت اٹی اسٹ اسے نا ہم اسہ شوگر مل اس اف۔ اوپارے کہ رپورٹ پبلک کننگ دلیل ءِ کہ وزیراعظم نا اولیت گڑاس بندغ آتا فائدہ غاتا رکھ اف پاکستان نا الس نا فائدہ غاتا رکھ ءِ۔ الس نا فائدہ غاتا مون آ ہرکس کہ بریک عمران خان اونا کسر نا دیوال جوڑمریک۔
