راولپنڈی۔ 7 اپریل (اے پی پی) بنجاہی وزیر ریلوے شیخ رشید احمد ءَ گوشت کہ پاکستان ریلوے ءِ ٹرین آپریشن دوبر بناء کنگءِ تیاری سرجم انت،مزن وزیروڈءِ لاک ڈاون ھلاس ءُ ٹرین آپریشن بحال کنگ ءِ پرمان جاڑی کن انت ،ایشی ءِ 24کلاکانی تہ 142ٹرین آنی ٹریک سرا کاراں،آہاں گوشت کہ مزن وزیر عمران خان شپ ءُ روچ مہلوک ءِ ہزمت ءِ ھاترا کار کنگ انت، کورونا وائرس میاں اوستمانی چیلنج انت ایشی ءَ میاں اوستمانی سیاسی ندارگ ءَ را بدل کتگ، آرت ،شکربحران سرا رپورٹ ءِ پدا مئے چکاس بناء بوتگ انت،مزن وزیر عمران خان ءَ کپتان ءِ بستار ءَ وتی فیلڈنگ بدل کتگ انت،آں گہتر سرپد انت کہ کجام لیئبی ءَ را کجام ھندءَ جنئگی انت ءُ کسے ءَ را کجام ھند ءَ برگی انت،سبسڈی ءِ معاملہ ءِ تہ منصوبگ بندی ءِ وزیر اسد عمر ءِ ہچ کردار نیست انت،وھدیکہ بزنس مین سیاستءِ تہ آھگ انت تو مافیا سوگو بوھگ انت،آں سئے سمبے ءَ راولپنڈی ریلوے اسٹیشن ءِ سرا ٹرینانی تہ ہڈ کنگ بوتگ انت۔قرنطینہ مرکز ءِ تروتاب ءُ چین ریلوے کمپنی پاکستان ءِ نیمگا چہ ریلوے ءَ را عطیہ کتگیں ماسک ءُ سینیٹائزر ھوالگی ءِ مراگش ءَ گوں تران کنگ ات۔ ڈویژنل سپریٹنڈنٹ ریلوے سید منور شاہ، ایم ڈی کیرج فیکٹری راحت مرزا، ڈپٹی ڈی ایس انعام اللہ محسود، ڈویژنل افسرھم اے موہ سرا ساڑی انت۔ بنجاہی وزیرریلوے شیخ رشید احمد پاکستان ریلوے ءِ نیمگا چہ تیار کتگیں سینائزر واک تھرو گیٹ چہ گوزگان ءَ ریلوے سٹیشن ءِ تہ پترگ انت۔ ڈی ایس ریلوے سید منور شاہ ءَ بنجاہی وزیرریلوے ءُ چین ءِ ریلوے کمپنی ءِ نماھندگاں را بریفنگ دیان ءَ گوشت کہ ریلوے ءِ کوچزءِ تہ تیار کتگیں قرنطینیہ سینٹر ءِ تہ میڈیکل آلات،وینٹیلیٹرز ءَ گوں ھوار ڈاکٹرزءُپیرامیڈیکل اسٹاف 24کلاک ساڑی انت ہمہ کہ کسے ھم اناگتی جاورھال ءَ گوں دیم دیگ ءِ ھاترا چوکس انت،بنجاہی وزیر شیخ رشید احمد ءَ ٹرین ءِ کوچانی تہ قرنطینہ سینٹر ءِ سرجمیں چار ءُ تپاس کتگ۔ءُ کڈنی داتگ کہ کجام وھد ءَ ایشی ءَ را کامرز کنگ ءِ ھاترا عملہ الرٹ بہ بیت۔ میڈیاءِ گوماگپ ءُ تران کنان ءَ بنجاہی وزیر ریلوے شیخ رشید احمد ءَ گوشت کہ چائنا ریلوے گروپ ءِ منت وار انت کہ آہاں کیرج فیکٹری ءُ سی ڈٛی ایل ورکشاپ ءِ ھاترا5ہزار ماسک،سیٹائزر عطیہ کتگ انت،چین پاکستان ءِ دیرگیں سنگت ملک انت،چین ءَ ہرگرانیں وھد ءِ تہ پاکستان ءَ گوں اوشتگ انت، پاک چین دوستی ہمالیہ چہ برزانت،آہاں گوشت کہ قرنطینہ سینٹر ءِ دراھیں گیٹ ریلوے سٹیشن ءِ سرا جنئگ بوتگ انت،اے گیٹ پاکستان ریلوےءَ وت تیار کتگ انت،ایشانی سرا ھرچ30چہ 40ہزار وھدیکہ سینسر والی گیٹ 50 چہ 60 ہزار کلدار ءِ تہ تیار بوھگ انت۔آہاں سرپد کتگ کہ پاکستان ریلوے ءَ 40 ٹرینانی تہ قرنطینہ سینٹر ہڈ داتگ انت۔ آہاں گوشت کہ حکومت ءِ تہ یک گروپ انت آئی ءِ سروکی مزن وزیر عمران خان کنگ انت۔انوں عمران خان ءَ فیلڈنگ بدل کتگ آں سرپد انت کہ کجام لیئبی ءَ را کجام جاھ ءَ ایر کنگی انت۔آہاں گوشت کہ احساس پروگرام ءِ تہ 45لکھ کوھنیں رجسٹرڈ مردم انت،آوکیں ھپتگ ءَ نوکیں رجسٹرڈ حقداراں را کمک رسگ ءِ کار بنائ بیت،آہاں گوشت کہ تفتان ءِ تہ کنٹینرنادراہ جاء ءِ ھاترا 2100رومز ءِ ھوار بزنس ءُ اے سی سلیپر ٹرین ءِ پیشکش کنگ اوں۔
