صدرمملکت ڈاکٹر عارف علوی نا ڈاکٹر عبدالقادر سومرو نا کوروناوائرس آن کزیت کننگ آ ہڑزخواہی

اسلام آباد۔ 07اپریل (اے پی پی) صدر مملکت ڈاکٹر عارف علوی ڈاکٹر عبدالقادر سومرو نا کوروناوائرس آن کزیت آاست ہسونی نا درشانی ءِ کرینے۔ سے شنبے نادے آ تینا ہڑزخواہی کلہو اٹی صدر مملکت ایماندار نا خذمت آتا ستاءِ کرے ہراالخدمت ہسپتال سکھر اٹی کوروناوائرس ناناجوڑ آتے کن اسہ خاص ءُ وارڈ اس جوڑ کرینے و کورونا نا برخلاف جنگ اٹ اہم ءُ کڑد اس اداکرے۔ صدر مملکت گلگت بلتستان آن تعلق تخوک آ ڈاکٹر اسامہ ریاض ءِ ہم خراج تحسین پیش کرے ہرا کوروناوائرس نا برخلاف جنگ اٹ تینا جان ءِ ندر کرے۔ اوکورونانا برخلاف ملک انا ڈاکٹرز و نرس آتا خذمت آتا ستاءِ کرسا پارے کہ او قوم انا ہیروک ءُ و مچ آ قوم تینا ڈاکٹر و نرس آتیا گمر کیک۔