وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان نا ٹویٹ

اسلام آباد۔ 07اپریل (اے پی پی) وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پارینے کہ پاکستان نا الس ءِ کوروناوائرس نا دین آن رکھ و اوفتے کن ریلیف نا فراوانی وزیراعظم عمران خان نا اولیت ءِ، الس ناآسراتی تا کسر اٹ بروک آ ہچ ءُ اڑاند اسے سگپنہ۔ سے شنبے نادے آ تینا ٹویٹ اٹی خصوصی کمکار ڈاکٹر فردوس عاشق اعوان پارے کہ صوبہ غاتون کمکاری و ہم گرنچی تون مون آ ہنسا حقدار بندغ آتا اُراتسکان سرمرینہ۔ صنعت نا مرحلہ وار پہیہ ءِ چلیفنگ کن نیشنل کوآرڈینیشن کمیٹی نا سلاہ و سوج آتے ہم کابینہ نا مون آ تخنگک۔ ڈاکٹر فردوس عاشق اعوان پارے کہ ریلیف نا کوشست آتے کن ٹائیگر فورس و سخی تا کڑد آ لائحہ عمل اس جوڑ کننگک۔ اوپارے کہ اینو کابینہ دیوان اٹی حکومت نا ریلیف گام گیج آتا شیفکو کہول آ گدریفنگ نا عمل نا جاچ ءِ ہلنگک۔