وطن آ پدی بننگ نا چاری پاکستانی تا زوت پدی اتنگ کن ہروڑنا کوشست کننگ اُن، وزیر خارجہ مخدوم شاہ محمود قریشی نا وزارت خارجہ ٹی جوڑ کرائسز مینجمنٹ سیل انا دورہ ءِ کننگ نا وخت آ گپ وتران

اسلام آباد۔ 07اپریل (اے پی پی) وزیر خارجہ مخدوم شاہ محمود قریشی پارینے کہ مچ آ دنیا ٹی بالی پٹ آتیا وطن آ پدی بننگ نا چاری پاکستانی تا زوت پدی اتنگ کن ہروڑنا کوشست کننگ اُن۔ داہیت ءِ او سے شنبے نادے آ وزارت خارجہ ٹی جوڑکرائسز مینجمنٹ سیل انا اناگت دورہ ءِ کننگ نا وخت آ پارے۔ وزیر خارجہ ایمرجنسی کرائسز مینجمنٹ سیل انا چندی سیکشن تا دورہ ءِ کرے۔ ڈی جی کرائسز مینجمنٹ سیل سلمان اطہر سیل انا کارکڑدگی نا بابت وزیر خارجہ ءِ حوال تس۔ وزیر خارجہ ایمرجنسی کرائسز مینجمنٹ سیل اٹ ملوک آ غاوتا جاچ ءِ ہلک۔ وزیر خارجہ پارے کہ مچ آ دنیا ٹی بالی پٹ آتیا، وطن آ پدی بننگ نا چاری پاکستانی تا زوت پدی اتنگ کن ہروڑنا کوشست کننگ اُن۔ انشاء اللہ نن جوزہ ایمانی اتون دا دینی عفریت ءِ شکست ایتنہ۔ وزیر خارجہ ایمرجنسی کرائسز مینجمنٹ سیل انا کارکڑدگی آ است جمی نا درشانی ءِ کرسا سیل اٹی ڈیوٹی سرانجام تروک آ آفیسر و عملہ ءِ شاباشی تس۔