اسلام آباد۔ 07اپریل (اے پی پی) احساس ایمرجنسی کیش پروگرام نا چرجوئی ٹی سے شنبے نا سہب اسکان غٹ ملوک آ ایس ایم ایس آتا کچ 3کروڑ86لکھ56ہزار8سد ءُ 37ءِ، ایمرجنسی کیش امداد نا حقدار بندغ آک شناختی کارڈ نمبر ءِ 8171آ ایس ایم ایس کرسا دا پروگرام آن فائدہ ہرفنگ کیرہ۔ وزیراعظم نا خصوصی کمکار تخفیف نیزگاری و راجی رکھ ڈاکٹر ثانیہ نشتر نا پاننگ ءِ کہ احساس ایمرجنسی کیش پروگرام پاکستان ناتاریخ نا غٹ آن بھلا راجی رکھ پروگرام ءِ ہرانا کمک اٹ 1کروڑ20لکھ آن زیات خاہوت آتے مالی کمک فراوان کننگک و 12000روپئی فی خاہوت تننگک۔ پروگرام نا بجٹ 150ارب روپئی ءِ۔ پروگرام اٹی حقدار آتے اوار کننگ کن قاعدہ و ضابطہ نا پورو پاسداری ءِ کننگک۔احساس نا ڈیجیٹل پیمنٹ سسٹم ءِ۔ داسکان حقدار آتا پیدواری ءِ کننگ انگ ءِ ۔ تدوک آ پنچ دے آن دا عمل برجاءِ دا چرجوئی ٹی اولیکو فہرست ءِ زوت جاری کننگک اوکان پد چارشنبے آن پیسہ غاتے بشخنگ نا چرجوئی نا بناءِ کننگک۔
