اسلام آباد ۔ 6 اپریل (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ احساس کیش ایمرجنسی پروگرام مزن وزیر عمران خان ءِ گریب ، مزور ءُ بزگریں تبک ءِ مردم آنی گوما یکوئی ءُ دوستی ءِ درشان انت، اے پروگرام مزور آنی معاشی مشکل آنی دور کنگ ءَ کمکار سہرا بنت، گوزوکیں ھپتگ ءَ اے زر بزگر آناں رسگ ءَ بندات بنت۔ بینک آں چہ اے زرّ مردم آناں پجارینگ بنت، ایشی ءَ ابید صوبائی حکومت آنی گوما یکجائیں گیشیں کائونٹرز ھم بست ءُ بند کنگ ءَ آں، دو شمبے ءَ وتی ٹویٹ ءَ ھاسیں کمکار ڈاکٹر فردوس عاشق اعوان ءَ گوشت کہ نوکیں پاکستان ایجنڈا احساس ءُ الس ءِ ازمت انت، کیش پروگرام ءِ چیر دستی ءَ 144 ارب کلدار 1 کروڑ 20 لکھ ھاندان ءَ را بھر ءُ بانگ کنگ بیت، گریب آناں 12 ہزار کلدار یک مشت دیگ بیت۔ آئی ءَ گوشت کہ الس ءَ را ریلیف دیگ ءِ اے راجدپتری گامیگج ءِ برورد چاریں صوبگ، گلگت بلتستان، ءُ آزات جموں کشمیر ءِ بزگیں مردم آں تاں پجارینگ بنت۔ ڈاکٹر فردوس عاشق اعوان ءَ گوشت کہ کمک ءِ پجاری ءِ واستہ چار ءُ تپاس ءِ جوانیں کار رپک آنی پد ءَ ایش پٹ ءُ پول کنگ بوھگ ءَ انت تانکہ اے کار ءِ سر ءَ کسے لنک چست کت مکنت، گوزوکیں ھپتگ ءَ اے زرّ شنگ ءُ تالان کنگ بنت۔
