کوروناوائرس نا دین انا بارواٹی پارلیمانی کمیٹی نا بروک آ دیوان اٹی صوبائی ڈیزاسٹرمینجمنٹ و محکمہ جان جوڑی آن حوال ہلنگک
اسلام آباد۔ 06اپریل (اے پی پی)اسپیکر قومی اسمبلی اسد قیصر پارینے کہ پارلیمانی کمیٹی کوروناوائرس نا دین انا بابت مانیٹرنگ و چاروکی نا کاریم ءِ کیک، حکومت پارلیمانی کمیٹی نا سلاہ و سوج آتیا عملدرآمد نا درشانی ءِ کرینے۔ دوشنبے نادے آ کوروناوائرس نا دین انا باندات آ جوڑ پارلیمانی کمیٹی نا دیوان آن پد میڈیا نا نمائندہ غاتون گپ وتران اٹی اوپارے کہ این ڈی ایم اے و محکمہ جان جوڑی پارلیمانی کمیٹی ءِ پورو بریف کرینے۔ اپوزیشن و حکومت غٹ سلاہ تے تسنو، ہراستاکڑزہ، پنچ شنبے نادے آ بروک آ دیوان اٹی لاک ڈاؤن نا حالیت آتیا سجفنگک، لاک ڈاؤن نا پین ودفنگ نا حالیت اٹ آخبت نا حکمت عملی اس طے کینہ، ملکی زرگزران آ تموک آ زہم تا ہم جاچ ءِ ہلنگک۔ اوپارے کہ داقومی ءُ ویل اسے، پارلیمان نا کاریم ءِ تینا کڑد ءِ اداکے و داکیک۔ اوپارے کہ مچ آ قوم یکجہتی و قومی جوزہ اٹ دا ویل انا مون ءِ توننگ کیرہ۔ اسد قیصر پارے کہ حکومت و اپوزیشن دا پارلیمانی کمیٹی ءِ فعال تخنگ آ امنا کرینو۔ اوپارے کہ بروک آ دیوان اٹی صوبائی ڈیزاسٹرمینجمنٹ و محکمہ جان جوڑی آن حوال ہلنگک ، پارلیمانی کمیٹی کوروناحالیت آتیا حکمت عملی اس تیار کیک۔
