اسلام آباد۔ 06اپریل (اے پی پی) قومی وطن پارٹی نا سروک مسکوہی بنجائی وزیر آفتاب احمد خان شیرپاؤ پارینے کہ داہمہ مننگ کیک کہ کورونادین انا دا نازرک انگا مرحلہ غا کوئٹہ نا انتظامیہ دا خوفناک وائرس نا برخلاف فرنٹ لائن آ جنگ تروک آ ڈاکٹر آتیانئے بیرہ لاٹھی چارج کے بلکن اوفتے جیل آتے ٹی شاغے۔ دوشنبے نادے آ تینا ٹویٹ اٹی آفتاب احمد خان شیرپاؤ پارے کہ نن دمدستی وڑاٹ دا ڈاکٹر آتا یلہ کنگ و اوفتا ویل آتیا چکار کننگ نا خواست ءِ کینہ۔ یات سلے کہ کوئٹہ ٹی ڈاکٹر و ایلو طبی عملہ کوروناوائرس نا دین اٹی پرسنل پروٹیکشن ایکوپمنٹ(پی پی ای) نا عدم فراوان نا برخلاف برانزاٹی وزیراعلیٰ ہاؤس نا کنڈآہِننگ خوائسرہ۔ ڈاکٹر آتا پاننگ ءِ کہ پی پی ای فراوان کپننگ آ اسہ درزن نا خڑک ڈاکٹر و طبی عملہ کوروناوائرس آن زہمی مسنو۔ داڑے پولیس نا پاننگ ءِ کہ او دفعہ 144نا خلاف ورزی آ چندی ڈاکٹر و طبی عملہ نا باسک آتے دزگیر کرسا چندی تھانہ غاتیا گدریفینو۔
