اسلام آباد۔ 06اپریل(اے پی پی) بنجائی وزیر بحری امور علی زیدی تون انسپکٹر جنرل موٹروے پولیس سید کلیم امام اوڑدہی کرے۔ اوڑدہی ٹی پورٹ و ایلو علاقہ غاتے ٹی رابطہ غاتے کن موٹرویز نا اہمیت آگپ وتران کننگا۔ وزارت بحری امورنا کنڈآن جاری کروک بیان نا رداٹ اوڑدہی ٹی گپ وتران کرسا علی زیدی پارے کہ رکھ موٹرویز گڑاتا وخت آ ہن وبر نا چرجوئی نا بے کچ اہم ءُ کڑی اسے۔ رکھ موٹرویزنا اہمیتءِ دا ہلہلہ ئی حالیت آتے ٹی رکھی گڑاو کنوئی آ گڑاتا رسد نا بابت گوجالنگ مفک۔ کلیم امام وزارت بحری امور نا کوروناوائرس آن ودی مروک آحالیت آتے ٹی ریلیف و رکھی گام گیج آتاستاءِ کرے۔
