کوئٹہ۔ 06اپریل (اے پی پی) پاک فضائیہ نا سی 130جہاز بلوچستان نا الس کن طبی وکمکی گڑااتسا پی اے ایف بیس سمنگلی (کوئٹہ) غا سرمس۔ ترجمان پاک فضائیہ نا رداٹ نمبر 6اسکواڈرن ناسی 130جہاز اینو کمکی مشن کن پی اے ایف بیس نورخان آن روانہ مس۔ جہاز اٹی کم و ود 11000پاؤنڈ طبی گڑاکوئٹہ غاسرمس ہرافتے ٹی این 95ماسک، رکھی لویس، دستانہ، ٹیسٹنگ کٹس و دوائیک اوار ءُ۔ پاک فضائیہ کوویڈ19نا برخلاف جنگ اٹ کمکی سرجزآتے ٹی زیات آن زیات بشخ ہلنگ ءِ و دانا ایئر ٹرانسپورٹ بیڑہ ملک انا کونہ کونہ اسکان طبی و کمکی گڑاتا اتنگ و دننگ اٹ اہم ءُ کڑد اس ادا کننگ ءِ۔
