جینوا۔ 06اپریل (اے پی پی) اقوام متحدہ نا سیکرٹری جنرل انتونیوگوتریس کوروناوائرس نا جہانی دین اتون مون تننگ کن سوگو تر جہانی کمکاری نا خواست کرینے۔ اقوام متحدہ نا سیکرٹری جنرل ٹیل فون آ میڈیا ءِ انٹرویو ترسا پارے کہ دا جہانی دین ارٹ میکو جنگ عظیم آن پد انسانیت ءِ مون تروک بدترین چیلنج ءِ ، دانا سوب چندی بندغ آک کہینگ ءُ و زرگزران آک بھس مننگ ءُ۔ اوپیدوار کرے کہ ملک آتا نیام اٹ عدم اتفاق خننگ انگ ءِ۔ اوزورشاغاکہ شون پذیر ملک ہرافتا طبی نظام بس افس اوفتے کمک نا گرج ءِ۔ اقوام متحدہ ءِ شون پذیر و متحارب ملک آتا کمک ءِ کننگ تون اوار اوار پناہ گزین کیمپ آتے ٹی دادین انا مون ءِ توننگ کن 2ارب ڈالر جمع کننگ نا گمان ءِ۔ ادارہ نا باسک ملک آک داوخت اسکان کل 40کروڑ ڈالر تننگ نا وعدہ ءِ کرینو۔ اوغٹ آن زیات عطیہ تروک آ ملک جاپان نا ستاءِ کرسا پارینے کہ دنیا پہہ مرے کہ اقوام متحدہ نا فرض انا انجام تننگ کن سرمایہ نا فراوانی نا گرج ءِ و یوونیورسل ہیلتھ کوریج نا چرجوئی ٹی جاپان نا قائدانہ کڑد یقینا المی ءِ۔ اقوام متحدہ نا سیکرٹری جنرل جہانی ادارہ جان جوڑی نا دفاع ءِ ہم کرے۔ یات سلے کہ جہانی دین انا سنگینی نا سہی کساس ءِ خلنگ و دادے وخت آ جہانی دین اس گوندپننگ نا سوب آن ادارہ غا تنقید کننگ انگ ءِ ۔ اوپارے کہ جہانی ادارہ جان جوڑی کچ اٹنگاوسیلہ غاتون صف اول آ برسرپیکار ءِ و اودے داڑآ گمر ءِ۔
