اسلام آباد۔ 06اپریل (اے پی پی) چین اٹی متعین پاکستانی سفیر نغمانہ ہاشمی کوروناوائرس نا سوب ودی مروک آ حالیت آتے ٹی ہم سی پیک نا وخت آ و گچین نفاذ ءِ المی کننگ ءِ پک کرینے وخت اس کہ او پیدوار وڑاٹ پارینے کہ داٹی کوروناوائرس نا تالانی آن بچنگ کن غٹ احتیاطی گام گیج ہم چست کننگانے۔ اوداہیت آ زور شاغا کہ سی پیک نا تسلسل اٹ مون آ ہِننگ نا سفر پاکستان نا اقتصادی شونداری و صنعت کاری نا مون آ دننگ کن بے کچ اہمیت تخک۔ داکان بیدس پاکستانی سفیر کوروناوائرس نا مون ءِ توننگ کن چین نا قائدانہ مثالی کڑد انا ہم ستاءِ کرے۔
