سیالکوٹ ۔ 5 اپریل (اے پی پی) مزن وزیر ءِ ھاسیں کمکار برائے ھالرسانی ءُ شنگکاری ڈاکٹر فردوس عاشق اعوان ءَ گوشت کہ مزن وزیر عمران خان ءَ آرت ءُ شکرءِ آرٹیفیشل کمی پیدا کنوکیں زمہ دارانی رپورٹ لس کنان ءَ کانود ءِ یک وڈیں نافذ کنگ ءِ وعدہ پیلو کتگ،مزن وزیرءَ وتی گلءَ چہ وت احتسابی ءِ کار بناء کتگ،فرانزک آڈٹ ءِ وسیلگ ءَ دراھیں راستی ءَ را مہلوک ءِ تاں سر کنگ بنت ءُ زمہ وارانی ھلاپ ءَ کارروائی کنگ بیت،شریف گروپ ءِ راستی ھم اے رپورٹ ءَ پدر کتگ،رپورٹ سرا کچہ چینی ءَ چہ پیسرءَ شہباز شریف ءَ را وتی جیئگ ءِ تہ چارایت،مزن وزیر ءَ پورھیاگرانی ھاترا ارباں کلدارءِ مثالی پیکج داتگ۔عالمی معاشی بحران ءِ سبب ءَ پاکستانی صنعتکار ھم جنجالانی آماچ انت،منافع خوری ءُ مصنوعی کمی کنوکانی سرا چماں ایر کتگ بیت،آں یک شمبے ءَ سیالکوٹ ءِتہ میڈیا ءَ گوں گپ ءُ تران کنگ ات۔آہاں گوشت کہ مروچی سیالکوٹ ءِ ضلعی انتظامیہ چہ فوڈسپلائی ءُ صنعت ءَ را دیم جیڈھانی سرا سرجمیں وڈءَ گپ ءُ تران کنگ بوتگ، دیوان ءِ تہ پورھیاگرانی جیڈھ ءِ سرا ھم سرجمیں وڈءَ گپ ءُ تران کنگ بوتگ۔آہاں گوشت کہ مزن وزیر ءَ 200 ارب کلدار ءِ مثالی پیکج داتگ ءُ پورھیاگرانی جنجال کم کتگ ات۔آہاں گوشت کہ کجام حکومت ایوکا اے چیلنج ءِ مقابلہ کت مہ کنت۔پبلک پرائیویٹ پارٹنرشپ ءَ چہ ہی اے چیلنج ءِ سرا گرودار آرگ بہ بیت۔آہاں گوشت کہ اے وھد ءَ جمود ءِ کیفیت انت۔سیالکوٹ ءِیک ایکسپورٹ سٹی انت ءُ ایکسپورٹ ٹارگٹ پیلو کنگ الم انت۔اے وھد ءَ سرجمیں دگنیا ءِ معیشت تباہ حالی ءِ شکار انت،اے رنگیں جاورھال ءِ تہ ایکسپورٹرز ءِ آرڈر پیلو کنگ ءِ ھاترا کمک کاراژدری انت۔اے ھاترا حکومت ایکسپورٹ ءَ گوں ہمگرنچءِ صنعت ءَ را مرحلہ وار پچ کنگ انت۔آہاں گوشت کہ ڈن ملک چہ اتکگ ءِ مردم اے وھد ءَ قرنطینہ سینٹر ءِ تہ انت۔اے وباءَ را دارگ ءِ ھاترا حکومت اے ھاندانانی کمک ءَ را شرپ ءِ چماں چارگ انت۔آہاں گوشت کہ سیالکوٹ ءِ بیئپاری ءَ را گرانیں وھد ءَ حکومت ءِ کمک کتگ۔امیت انت کہ کہ سیالکوٹ ءِ بزنس کمیونٹی وزیر اعظم ءِ کرونا ریلیف فنڈ ءِ تہ دل ءَ پچ کنان ءَ عطیہ ءَ جم کن انت۔
