کنسٹرکشن ءِ تک ءِ ھاترا مراعاتی پیکج ءُ صنعت ءِ تبک دیگ ءَ چہ دگہ صنعتءَ را پراھی رسیت،مزن وزیر ءِ اے گام امیت نو ءُ دیمروئی ءِ کلوھ انت،ڈاکٹر فردوس عاشق اعوان

اسلام آباد ۔ 5 اپریل (اے پی پی) مزن وزیر ءِ ھاسیں کمکار برائے ھالرسانی ءُ شنگکاری ڈاکٹر فردوس عاشق اعوان ءَ گوشت کہ کنسٹرکشن ءِ تک ءِ ھاترا کمکی پیکج ءُ صنعت ءِ درجہ دیگ ءَ چہ دگہ صنعت ءَ را پراھی رسیت،مزن وزیر ءِ اے گام امیت نو ءُ دیمروئی ءِ کلوھ انت، مزدور طبکءَ چہ سرمایہ دار براتری دراھ ایشی ءَ چہ نپ چست کت کن انت۔یک شمبے ءَ وتی ٹویٹ ءِ تہ ھاسیں کمکار ڈاکٹر فردوس عاشق اعوان ءَ گوشت کہ فکسڈ ٹیکس ءِ لوٹ منان ءَ سیمنٹ ءُ سٹیل انڈسٹری ءِ ابید دراھیں کنسٹرکشن ءِ تک چہ ودہولڈنگ ٹیکس ھلاس کتگ انت، کنسٹرکشن تک ءِ دیمروئی ءَ چہ دگہ صنعت ءَ را نوکیں زند رسیت ایشی ءَ چہ ہنرمندءُ پوریاگر نپ چست کت کن انت۔اے پیکیج تعمیر وطن، عوامءِ خوشحالی ءُ روزگار ءِ موہ ءَ ودی کنگ ءِ تہ سنگ میل پدر بیت۔آہاں گوشت کہ ہاوسنگ اسکیم ءِ تہ سرمایہ کاری کنوکاں چہ ایوکا 10 فیصد ٹیکس گرگ بیت وھدیکہ 90 فیصد ٹیکس رعایت دیگ بوھگ انت،کنسٹرکشن ءِ تک ءِ دیمروئی پوریاگرانی دیمروئی انت۔