اے جاورھالاں حکومتءَ درساں چہ مستریں ریلیف پکیج داتگ، مزن وزیر عمران خان

لاہور۔4 اپریل(اے پی پی )مزن وزیر عمران خان ءَ گشتگ کہ کورونا ءِ وبا یک مزنیں جیڑہ اِت۔ وہدے کہ راج چہ اے جیڑہ ءَ چہ درکیئت یک دگہ راجے بیت، کس وش نہ بیت کہ کورونا کسءَ را ایچ ناکنت، آیوکیں وہدءَ مارا چِنءُ لانچ کنگ لوٹ ایت، گرانیں وہداں انسان ءِ ایمان زانگ بیت، اے مشکلیں وہداں حکومتءَ درساں چہ گیش مستریں ریلیف پکیج داتگ، کسءَ را اے تجروبت نیست کہ اے وباء ءَ ر اچوں گِرءُ دار کنگی اِنت، راج پرہیز کنگءَ اے ھوپ ءُ وباء گِرءُ دار کنگ بیت، کورونا ٹائیگرفورس ءَ 6 لکھ مردم رجسٹرڈ بوتگ اَنت، پنجاپ ءَ کورونا ءِ حلاپءَ بازیں گامگیج چست کنگ بوہگءَ اِںت، است مندیں مردمانی کمک کنگءَ آیانی شکرءُ گزار اَں۔ آ شمبے ءِ روچءَ گورنر گس ءَ کورونا ریلیف فنڈز ءُ راشن پرءُ بانگ کنگ ءِ مراگشءَ گوں تران کنگ ءَ بوتگ۔ اے موہءَ دری کارانی بنجائی وزیر شاہ محمود قریشی ، پنجاپ ءِ گورنر چوہدری محمد سرور، وانگءُ زانگءِ بنجاہی وزیر شفقت محمود، پنجاپ ءِ سروزیر سردار عثمان بزدار، مزن وزیرءِ حاسیں کمک کار ڈاکٹر فردوس عاشق اعوان ، حاسیں کمک کار شہزاد اکبر، ثانیہ نشتر، عثمان ڈارءَ ہوار دگہ مردمے ہوار بوتگ۔ مزن وزیرءَ گشتگ کہ امریکہ ءَ وتی راجءَ را 2 ہزار ارب ڈالرءِ ریلیف پیکیج داتگ وہد ے کہ پاکستانءَ 8 ارب ڈالرءِ کمکی پیکیج داتگ۔ کورونا ءِ ھوپ ءَ دیمروئی کنوکیں ملک آں وتی اسپر دور داتگ انت ایشی ءِ گوما دیم پہ دیمی ءَ پاکستان ءِ وڑیں دیمروئی کنوکیں ملک آنی چے ھال بیت۔ کورونا ٹوھیں چیلنج ات۔ آئی ءَ گوشت کہ اے وھد ءَ اگاں مردم اے گپءَ وتی حیالءَ ایر بہ کن اَنت کہ کس گوں آیاں ہمراہ داری ءُ کمک کنگءَ نااِنت گڑا امیچو زر دیئگ بہ بیت بلے ایچ پائدگ نابیت۔ کورونا پاکستان ءَ تاں کجءَ تاں چینچوک شنگ بیت ماسرپد نیاں۔ تحریک انصاف ءِ درسیں کارندہ یکجاہ بہ بنتءُ ریلیفءِ کارءَ بہ کن اَنت۔ سیاسی ایرجنوک تنا ایر جناں دگہ ایچ کت ناکناں۔ کسے مالءُ مڈی جوڑ کنت آ سوشل ورک نہ کنت۔ آیوکیں وہد سک گران اِںت۔ کورونا ءِ حلاپءَیک دراج بُریں جنگے ءِ ھاترءَ مارا درساں یکجاہ بوہگی اِنت۔