مزن وزیر عمران خان ایکسپو سنٹر لاہور ءَ استیں قرنطینہ سنٹر ءَ پج ات

لاہور ۔ 4 اپریل (اے پی پی) مزن وزیر عمران خان قرنطینہ سنٹر ءَ پج ات، سر وزیر پنجاپ سسردار عثمان بزدار ایکسپو سنٹر لاہور ءَ جوڑ کتگیں کورونا قرنطینہ سنٹر ءِ تر ءُ تاب ءِ ساھت ءَ مزن وزیر ءِ ھمبراہ انت۔ جان سلامتی ءِ وزیر پنجاپ ڈاکٹر یاسمین راشد ءَ مزن وزیر قریطینہ سنٹر ءِ بابت ءَ سرجمیں برینفگ دنت۔ مزن وزیر ءَ قرنطینہ سنٹر ءِ جتا جتائیں بھر آنی تر ءُ تاب ءِ کت۔ وزیر ءِ جان سلامتی ڈاکٹر یاسیمین راشد ءَ مزن وزیر ءَ را گوشت کہ ایکسپو سنٹر لاہور ءَ استیں قرنطینہ ءَ یک ہزار مردم ءِ گنجاسک است انت۔ مزن وزیر ءَ قرنطینہ سنٹر ءَ استیں ڈاکٹر ءُ ایندگر کمکی کارندہ آں گپ ءُ تران کنان ءَ کت سرجمیں راج ءَ تئی ازمت آنی سر ءَ پھر انت۔