لاہور۔4 اپریل(اے پی پی) بنجاھی وزیر ریل گاڑی شیخ رشید احمد ءَ گوشت کہ اگاں کورونا وائرس ءِ جاور گہتر بوت انت، گڈا مزن وزیر ءِ اجازت ءَ چہ پد 15 اپریل ءَ ٹرین آپریشن ءَ برجا کناں پدا ھم جاور گہتر نہ بوت انت گڈا ٹرین سروس ءَ بندات نہ کناں، شہباز شریف کورونا ءِ شوپچ ءَ لندن ءَ چہ پاکستان ءَ اتکگ، راج درستاں چہ شر سرپد انت، لیپ ٹاپ ءِ دیم ءَ نندگ ءُ نکتہ چینی کنگ ءِ زمانگ گوستگ، لاک ڈائون ءِ جیڈھ ءِ پد ءَ حکومت ءُ پاک ارد یکیں کشک ءِ سر ءَ انت، ڈی جی آئی ایس پی آر ءَ ھم گوشتگ کہ دراج بریں لاک ڈائون ملک ءِ ھک ءَ نہ انت ، ٹائیگر فورس گیر سیاسی ءُ والنٹری فورس ات، ایشانی کرا اچ رنگیں مالی انتظامی مستری نیست، تبلیغی جماعت ءُ زیارتی مردم آنی بابت ءَ پروپیگنڈا ملک ءِ ھلاپ ءَ پندل ساچوک انت۔ اے ھیالانی درشانی آئی ءَ شمبے ءِ روچ ءَ ریل گاڑی ہیڈ کواٹر ءَ پریس کانفرنس کنان ءَ کت۔
