اسلام آباد ۔ 4 اپریل (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ ما بازیں قرنطینہ آناں آسراتی پجارینگ ءِ واستہ گامگیج کتگ، قرنطینہ سنٹرز آنی تہ ءَ آسراتی ھما مردم آناں پجارینگ ءَ آں ھما کہ در ملک ءَ چہ اتکگ انت۔ اے ھیالانی درشانی آئی ءَ ایکسپو سنٹر ءَ استی قرنطینہ سنٹر ءِ تر ءُ تا ب ءِ ساھت ءَ کت ۔ آئی ءَ گوشت کہ در ملک ءَ چہ آیوکیں مسافر آناں ائیر پورٹ ءَ ٹیسٹ کناں، آوانی سیمپل آناں ٹیسٹنگ ءِ واستہ روان دیاں ءُ اے مسافر آناں قرنطینہ سنٹر ءَ کناں۔ آئی ءَ گوشت کہ سرجمیں شفٹ ءِ کارندہ کار کناں، قرنطینہ ءَ توامیں آسراتی آناں دل یکمی کنگ بوھگ ءَ انت ، قرنطینہ سنٹر ءَ جتا جتائیں کوٹی است، آئی ءَ گوشت کہ بنجاھی حکومت ءِ نیمگ ءَ پنت ءُ شون دیگ بوتگ کہ اے پنت ءُ شون آناں پد ءُ رند کنگ بہ بیت۔ آئی ءَ گوشت کہ انوگ ءَ تاں ھرچ بالیگ ءِ اتکگ ایشانی تہ ءَ کورونا وائرس ءَ چہ آماچیں اے مسافر نہ اتکگ۔ اے مئے واستہ باز جوانیں ھال ات، ھمے ھاترا برجا پیداک انت کہ مئے سسٹم جوانی ءَ گوں چلگ ءَ انت، ٹیسٹنگ سسٹم گہتریں رنگ ءَ چلگ ءَ انت۔ ٹیسٹنگ ءِ آسراتی یک شلی ءَ گیشتری بوھگ ءَ انت۔
