اسلام آباد ۔ 4 اپریل (اے پی پی) چئرمین سینیٹ محمد صادق سنجرانی ءَ گوشت کہ سپیکر ڈاکٹر علی لاریجانی ءِ زوت جان سلامتی ءِ واستہ نیکیں واھگ ءُ واھشت ءِ درشان کت۔ شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بیان ءِ رد ءَ چیئرمین سینیٹ ءَ ایرانی پارلیمان ءِ سپیکر ڈاکٹر علی لاریجانی ءَ را یک نمدی ءِ روان دات ، کورونا وائرس ءِ سبب ءَ قرنطینہ سنٹر ءَ انت۔ چیئرمین سینٹ ءَ نبشتہ کت کہ ایران ءِ الس کرونا وائرس ءَ چہ سک باز آماچ بوتگ انت۔ پاکستانی راج ایران ءِ برات آنی گوما ھمگامی ءَ اوشتاتگ انت۔ چیئرمین سینیٹ ءَ گوشت کہ ما ھمکوپگی ءَ گوں ایشی ءِ گوما دیم پہ دیمی کنان۔ آئی ءَ گوشت کہ سرجمیں میاں اوستمانی برات یکیں شوپ ءِ آماچ انت۔ پاکستان ءِ حکومت ، الس ءُ پارلمیان ءِ نیمگ ءَ ڈاکٹر علی لاریجانی ءُ ایران ءِ الس ءِ واستہ نیک دعا ایگ آں ۔
