اسلام آباد ۔ 3 اپریل (اے پی پی) مزن وزیر عمران خان ءَ گوشت کہ کرونا وائرس ءِ گوما دیم پہ دیمی گوں روبرکتی دمگ ءَ جتا انت، سرجمیں ملک ءَ لاک ڈائون کت نہ کناں ، ما 1200 ارب کلدار ءِ ریلیف پیکیج داتگ ایشی ءَ چہ لس مردم ءِ استیں جاور آنی تہ ءَ گہتری گیش بیت، مردم آناں روزگار دیگ ءِ وستہ کشت ءُ کشار ءَ چہ دومی مستریں سیکٹر جوڑیشت ایگ انت، اے شوبگ ءَ را انڈسٹری ءِ درجگ دیگ ءَ انت ءُ جوڑیشت ءِ واستہ کنسٹرکشن انڈسٹری بورڈ ءِ برجائی کنگ بوھگ ء انت۔ جوڑیشتی شوبگ ءَ را 14 اپریل ءَ چہ پچ کنگ بیت، اے سال جوڑیشتی شوبگ ءَ سرمایہ کنوکیں استیں زرّ آنی بابت پرس کنگ نہ بیت، فکسڈ ٹیکس کنگ بیت، ٹیکس دزئی کنوک آنی تہ ءَ کمی بیت، نوکیں پاکستان ہائوسنگ سکیم ءِ واستہ 30 ارب کلدار ءِ سبسڈی دیگ ءَ آں، مردم اے مہ پھم انت کہ پاکستان ءَ کورونا وائرس ءِ بیم اچ نیست انت۔ اے ھیالانی درشانی مزن وزیر ءَ آدینگ ءِ روچ ءَ ادا جوڑیشتی شوبگ ءِ واسزتہ پیکج ءِ جار ءَ جنان ءَ جت۔ آئی ءَ گوشت کہ کورونا وائرس سرجمیں دگنیا ءَ چیلنج ءِ جوڑ بوتگ، پاکستان ءَ کورونا وائرس ءِ چیلنج روبرکت ءَ چہ جتا انت، روبرکت ءَ یک نیمگ ءِ کورونا انت ءُ دومی نیمگ ءَ معیشت انت ءُ پاکستان ءَ یک نیمگ ءِ کورونا انت ءُ دومی نیمگ ءَ شدیکی انت۔ مزن وزیر ءَ گوشت کہ چین ءَ ووہان ءِ دمگ ءَ سرجمیں رنگ ءَ دو ماہ ءِ و استہ لاک ڈوائون کنگ بوتگ، پاکستان ءَ لاک ڈائون ءِ مطلب ایش کہ گریبیں مردم آنی سر ءَ بندش جنگ، ھمے ھاترا سرجمیں ملک ءَ لاک ڈائون کت نہ کناں۔ آئی ءَ گوشزت کہ کورونا ءَ چہ پیداک بوتگیں جاور ھال آنی رد ءَ سرجمیں ملک ءَ لاک ڈائون کت نہ کناں۔ آئی ءَ گوشت کہ کورونا ءَ چہ پیداک بوتگیں جاور جاور ھال آنی رد ءَ لس مردم آرا ریلیف پجارینگ ءِ واستہ 1200 ارب کلدار ءِ پیکج داتگ، ھما ھاندان کہ کورونا وائرس ءِ سبب ءَ بزگ ءُ آماچ بوتگ، آواناں الم کمک رسیت۔ آئی ءَ گوشزت کہ پرائیویٹ اسکول آنی پیس آئی ھوالگ ءَ پالیشی جوڑ کنگ ءَ آں، کورونا ریلیف فنڈ ھمزوریں تبک ءِ واستہ دیگ بوتگ۔ آئی ءَ گوشت کہ ھما مردم آناں وش نہ بوھگ انت کہ آ کرائسز ءَ را کرپشن ءِ چیر دیگ ءِ واستہ کارمرد کناں۔ آئی ءَ گوشت کہ ھژدھمی مٹ ءُ بدلی ءَ چہ پد اے وڑیں اچ کار کنگ نہ لوٹاں کہ آئی ءَ چہ سما بہ بیت کہ بنجاھ زور کنگ ءَ انت۔ ٹائیگر فورس ءِ مول ءُ مراد لس مردم آناں سرپدی پجارینگ انت، ٹائیگر فورس محل آنی توک ءَ رونت ءُ مردم آناں گس آنی توک ءَ نندگ ءِ سر ءُ سوج ءَ کناں، مردم آناں یک جاھ بوھگ ءَ نئیل انت، ھمے ھاترا لائک ڈائون کامیات بوتگ۔ مزن وزیر عمران خان ءَ گوشت ھمروچگیں وردن ءُ وراک ءِ پجاری ءِ پڑ ءَ اچ مھتلی کنگ مہ بیت۔ مزن وزیر تران کنان ءَ گوشت کہ منی ھوپ ءُ بیم ایش بوتگ کہ لس مردم ءَ را بنیاتی ضلورت آنی پجاری ءَ لس مردم آناں ھمروچگیں وردن ءُ وراک ءِ چیز پجارینت کت بکناں، مزن وزیر ءَ گوشت کہ سندھ ءِ توک ءَ گندم ءِ کشار ءِ رونگ بندات بوتگ، پمشکہ ما دگ پچ کتگ انت۔ مزن وزیر ءَ گوشت کہ ما 1200 ارب ءِ پیکج داتگ، آئی ءَ گوشت کہ انوں ءَ تا ں کمک ءِ واستہ یک کروڑ مردم رجسٹرڈ بوتگ۔
(rtb/oab)
