اسلام آباد۔ 03اپریل (اے پی پی) وزیراعظم کوروناریلیف ٹائیگر فورس اٹی 2دے اٹی مچ آ ملک آن 4لکھ8ہزار آن زیات ورناتینے ٹائیگر فورس اٹ رجسٹرکرفیر، 9ہزارآن زیات زالبول رضاکارہم ٹائیگر فورس اٹ بشخ ہلکر۔ رجسٹریشن نا عمل پبی عزم اتون برجاءِ۔ وزیراعظم نا خصوصی کمکار امور نوجوانان عثمان ڈار نا کنڈآن پاکستان سیٹیزن پورٹل آ اِرادے انا رجسٹریشن عمل نا جاری حساب وکتاب نا رداٹ مچ آ پنجاب آن 2لکھ76ہزار رضاکار، مچ آ سندھ آن 62یزار 839ورنا، خیبر پختونخوا آن 52ہزار 171ورنارضارکار، بنجائی دارالحکومت اسلام آباد آن 6ہزار 408ورناٹائیگر فورس اٹ رجسٹرڈ مسنو۔ وزیراعظم نا رضاکار ٹیم اٹی آزاد کشمیر آن 4ہزار 173و بلوچستان آن 3ہزار 13ورناٹائیگر فورس اٹ بشخ ہلکونو وخت اس کہ گلگت بلتستان آن رجسٹرڈ مروک آ ورناتا کچ 1ہزار 549مسنے۔ زالبول رضاکار آتا غٹ آن زیات اوارمننگ پنجاب و سندھ آن مسنے۔
