ریاض۔18مارچ(اے پی پی) سعودی عرب کورونا وائرس نا دَین آن پد ودی مروک آحالیت آتارداٹ جی 20ملک آتا ہلہلہ ئی سروک دیوان اس بٹنگ انگ نا پڑو ءِ کرینے۔ العربیہ ٹی وی نا رداٹ سعودی عرب نا حکومت نا پاننگءِ کہ او کوروناوائرس نا دَین نا توننگ کن جہانی کہول آ کروک آ کوشست آتے قدر انا نظر اٹ ہرک، اینخو نا سال جی 20دیوان نا کماشی نا زمواری تے مون آتخسا جی20 دیوان نا غٹ باسک آتون رابطہ ٹی ءِ۔ دارداٹ سعودی عرب ایلو غٹ باسک آتون اواری اٹ کورونا وائرس اٹی ودی مروک آ تنکی تا ایسری کن کوشست کننگ ءِ۔ سعودی عرب نا حکومت نا کنڈآن جاری مروک آ بیان اٹی پاننگانے کہ جی 20کورونا نا برخلاف جنگ اٹی اہم ءُ کڑد اس ادا کننگ کیک۔ عالم دَین ءِ کنٹرول کننگ کن جی ٹونٹی ملک آتے امنائی پالیسی وگام گیج کروئی مریک۔
