پیرس۔ 06مارچ (اے پی پی) اقوام متحدہ نا ادارہ سائنسی تعلیم و دودوربیدگ، یونیسکو نا رداٹ کورونا وائرس نا تالانی نا مون ءِ توننگ نا کوشست اٹی 12آن زیات ملک آتے ٹی تعلیمی سرجزآتے معطل کننگانے ہراٹی کم آن کم 3کروڑ طالب علم کیہی ہفتہ غان اسکول آتیا ہِننگ کتنو۔ درملکی میڈیا تون گپ و تران کرسا یونیسکو نا ڈائریکٹر جنرل آڈری ایزولے پارے کہ بیرہ اِرا ہفتہ مست چین اسٹ انگا ملک ئس ہراڑے اسکول آتے بند کننگاسس ولے داسہ اسہ درزن ملک آتے اسکول آتے بند کروئی تمانے۔ اومستی پارے کہ بروک آ دے تیٹی دا فہرست اٹ پین ہم ودکی مننگ کیک۔
