بیجنگ ۔ 05مارچ (اے پی پی) چین اٹی کورونا وائرس نا 2189مریض آتے ہسپتال آتیان ڈسچارج کننگانے اوکان پد جان جوڑ مروک آ مریض آتا جم کچ 52045مسنے ۔ چائنہ ہیلتھ کمیشن نا رپورٹ نا رداٹ مچ آ ملک اٹی داوخت اسکان کورونا انفیکشن نا 80409 پک مروک کیس مون آ بسنے وخت اس کہ 3042بندغ زوال کریر ۔ ایلو کنڈآ دنیا نا 76ایلو ملک آتے ٹی ہم دا دَین آن 12600بندغ نا زہمی مننگ پک مسنے ہرافتیان 214مریض جان جوڑ مننگ کتنو ۔ سویلی کوریا ٹی کم از کم 33مرک رپورٹ مس وخت اس کہ ایران اٹی داوخت اسکان 92مرک آتا حوال ءِ ۔ اٹلی 587 مریض و 107 مرک پک کرینے، اوکان پد ہموڑے مریض آتا جم اٹنگا کچ 3089و مرک آک 107 اسکا ن سرمسنو ۔ اطالوی حکومت 15مارچ اسکان مچ آ ملک اٹی غٹ اسکول و یونیورسٹی تے بند کرینے ۔ جاپان اٹی داوخت اسکان نا 1037 کنفرم کیس آتے ٹی بحری جہاز آن بروک آ 706مسافر ہم اوار ءُ ۔ چارشنبے نا پیشیم اسکان امریکہ ٹی کورونا وائرس آن 11 بندغ زوال کریر ہرافتے ٹی 10 نا تعلق ریاست واشنگٹن وخت اس کہ اسٹ نا کیلفورنیا غان ئس، ہنداوڑ داسہ امریکہ ٹی کورونا وائرس نا کم از کم 153پک کروک مریض ساڑی ءُ ۔ کینیڈا نا کمامدارآک ہم 34کیس ءِ پک کرینو وخت اس کہ سلووینیا و ہنگری تون اوار ایلو ملک آتے ٹی ہم دا وائرس نا اولیکو مریض رپورٹ مسنے ۔ داکان بیدس کورونا وائرس نا دَین اتون مون تننگ کن چین نا حکمران کمیونسٹ پارٹی نا 41 لکھ آن زیات باسک آک سرکڑدہ نا خواست آ کم و ود 4;46;73بلین یوآن نا زَر عطیہ کرینو ۔
