کابل۔ 11 فروری (اے پی پی) اوغان دارالحکومت کابل اٹی سے شنبے نا سہب اتون وزارت دفاع نا مارشل فہیم ملٹری اکیڈمی نا گیٹ آ خود کش جلہو اٹی 3سیکورٹی کارندہ غاتون اوار 5بندغ خلنگار۔ برطانوی خبر رساں ادارہ اوغان وزارت داخلہ نا ترجمان نصرت رحیمی نا بابت پارے کہ خودکش جلہو اٹی پین 12بندغ ٹھپی ہم مسنو ہرافتے ٹی 5سویلین اوار ءُ۔ عینی شاہدی تا رداٹ خود کش جلہو اٹی مروک آ دھماکہ غان خڑک انا اُراک سرار۔ دھماکہ غان پد سم کاری نا توارہم بس و ایمبولینس آتے دھماکہ نا ہند انا کنڈآ ہنسا خننگا۔
