اسلام آباد۔ 04 فروری (اے پی پی) امیر البحر ایڈمرل ظفر محمود عباسی برونائی نا دورہ ٹی برونائی دارالسلام نا بڑزکو عسکری سرکڑدہ بشمول رائل آرمڈ فورسز کمانڈر و لینڈ فورس کمانڈر تون جتا جتا اوڑدہی کرے ہراٹی تین پہ تینی است خواہی نا باندات و ہڑتوم آ کنڈآتا بحری کمکاری ءِ مون آ دننگ آ گپ و تران کننگا۔ ترجمان پاک بحریہ نا رداٹ امیر البحر ایڈمرل ظفر محمود عباسی سرکاری دورہ غا برونائی دارالسلام اٹی ساڑی ءِ۔ برونائی دارالسلام نا نیول ہیڈ کوارٹر ز آ بننگ آ میزبان بحری کمانڈر پاک بحریہ نا سروک ءِ شاندار بخیر کرے و امیر البحر ءِ گارڈ آف آنر پیش کننگا۔ امیر البحر برونائی دارالسلام نا چندی بحری تنصیب بشمول بحری جہاز نا دورہ ءِ کرے ہراڑے اودے برونائی دارالسلام نا بحری بیڑہ نا بابت حوال تننگا۔ امیر البحر ایڈمرل ظفر محمود عباسی نا دا دورہ ہڑتوم آ ایلم ملک خاص وڑاٹ بحری فوج آتا نیام اٹ تعلقداری تے پین مون آ دیک۔
