اسلام آباد ۔ 3 فروری (اے پی پی) چیئرمین سینیٹ ءَ گوادر ءُُ مشکت ءِ نیام ءَ بالیگ آنی ودینگ ءِ پنت ءُُ شون کتگ ۔ دو شمبے ءَ ایوان ءِ بالا ءِ دیوان ءَ بلوچستان ءَ گوں سیادی داروکیں سینیٹر کہدہ بابر ءَ جست آنی اوشت ءِ ساھت ءَ بکگ جنان ءَ گوشت کہ بلوچستان ءَ چہ 8 ءَ بگر تاں 9لکھ مردم ءُُ ایوک ءَ گوادر ءِ 2ءَ بگر تاں 3 لکھ مردم اومان ءَ کار کناں ۔ گوادر ءَ چہ مشکت ءِ واستہ یک بالیگ ءِ رو گ ءُُ آیگ کنگ ءَ بوتگ آ ھم مرچاں بند انت ایشی ءِ سبب ءَ مردم سک باز پریشان انت ۔ ھمے یکیں بالیگ ءِ پچ کنگ ءَ ھوار ایشانی کساس ءِ تہ ءَ گیشی کنگ بہ بیت ۔ چیئرمین سینیٹ ءَ سیکریٹری صنعت ءَ را پنت ءُُ شون کت کہ اے رد آ ایو ایشن ڈویژن ءُُ پی آئی اے ءَ چہ بالیگ آنی کساس ءِ ودینگ ءِ واستہ مسلی رد ءَ نزیکی بکن انت ۔ بالیگ آنی کساس ءِ تہ ءَ گیشی کنگ بہ بیت ۔
