کوالالمپور ۔ 3 فروری (اے پی پی) مزن وزیر عمران کان ملائیشیا ءِ دو روچی سرکاری تر ءُُ تاب ءِ ھاترا کوالالمپور ءَ پج ات ۔ ملائیشیا ءِ وزیر ءِ دیمپانی محمد صابو ءُُ ایندگر کلانہ ایں کارندہ آں کوالالپمور انٹرنیشنل ائیر پورٹ ءِ سر ءَ مزن وزیر ءَ را وش اتک کت ۔ ملائیشیا ءَ پاکستان ءِ ہائی کمشنر آمنہ بلوچ ءُُ ہائی کمیشن ءِ کارندہ اے موہ ءِ سر ءَ ساڑی اتنت ۔ وزیر ءِ درئی کار شاہ محمود قریشی، بنجاھی وزیر برائے منصوبگ بندی، دیمروئی کار ءُُ ھاسیں گامگیج اسد عمر، مزن وزیر ءِ مشیر تجارت عبدالرزاق داءود ءُُ سیکرٹری درئی کار سہیل محمود ھم مزن وزیر ءِ ھمبراھ اتنت ۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ اے تر ءُُ تاب ملائیشیا ءِ مزن وزیر مہاتیر محمد ءِ داتگیں دعوت ءِ پد ءَ کنگ ءَ انت ءُُ اے تر ءُُ تاب ءِ ساھت ءَ دوئیں مزن وزیر جتا جتائیں گند ءُُ نند آں ابید ڈلی تک ءَ گپ ءُُ تران ھم کناں ۔ ایشاں ابید ارزشتی ایں منوگری آنی سر ءَ منگ نامہ آنی سر ءَ دست چنگل ھم جنگ بیت ۔ ایشاں ھوار یکجائی پریس کانفرنس ءِ ھم کن انت ۔ اے تر ءُُ تاب ءِ ساھت ءَ مزن وزیر عمران خان انسٹیٹیوٹ آف سٹرٹیجک ءُُ انٹرنیشنل سٹڈیز ءِ چیر دستی ءَ تھنک ٹینکس ءَ گوں ھم گشتانک ھم دنت ۔ مزن وزیر عمران خان ءِ ملائیشیا ءِ اے تر ءُُ تاب دوئیں ملک آنی نیام ءَ وت مہ وتی شریکداری آناں گیش مھکم کنگ ءِ جزم ءِ چیدگ انت ۔ مزن وزیر عمران خان ءِ نیمگ ءَ اگست 2018ءَ مزن وزیری ءِ سیٹ ءِ سر ءَ نندگ ءَ چہ پد اے ملائیشیا ءِ دومی تر ءُُ تاب انت، ایشی ءَ چہ پیسر آ 20ءَ چہ 21 نومبر 2018ءِ ساھت ءَ ملائیشیا ءِ تر ءُُ تاب کتگ وھدیکہ ملائیشیا ءِ مزن وزیر مہاتری محمد ءَ 21ءَ بگر تاں 23مارچ2019ءِ ساھت ءَ پاکستان ءِ تر ءُُ تاب کتگ ءُُ آ ’یوم پاکستان ‘ پریڈ ءَ ھاسیں مہمان ھم بوتگ ۔
