اسلام آباد۔ 3 فروری (اے پی پی) گورنر پنجاب چوہدری محمد سرورءَ گوشت کہ سائنس ءُُ ٹیکنالوجی ءِ تہ زانت ءُُ نوکتریں وانگی ءِ تہ کمال زوران ءَ پاکستان ءَ را دیمروئی کتگیں ملکانی لڑ ءِ تہ آرت کنیں ءُُ اے مکسد ءِ ھاترا مزن وزیر عمران خان ءِ راھشونی ءِ تہ پاکستان اے وھد ءَ راجی دیمروئی ءِ ھاسیں سنگ میل ءَ چہ گوزگ انت ءُُ ورناہاں را برزی معیار ءِ وانگی ءُُ ہیلکاری ءُُ دیما جزگ ءِ سرجمیں موہ پھجارگ بوھگ انت تنکہ آں باندات ءِ تہ پاکستان ءِ ھاترا قابل پکر کرد ءَ ادا کت کن انت۔آہاں اے گپ ہائی ٹیک یونیورسٹی ءِ چارمی کانوکیشن ءَ گوں تران کنگ ات۔ کانووکیشن ءِ تہ چیئرمین بورڈ آف گورنر لیفٹیننٹ جنرل عبداللہ ڈوگر، ممبر ز بورڈ آف گورنر، فیکلٹی ممبران، والدین ءُُ نودربراں بھرزوراتگ۔گورنر پنجاب ءَ گوشت کہ سوبمندیانی وشی کنگ ءِ ابید ہما مردماں را خراج عقیدت پیش کنگ بہ بیت ہمہ کہ اے سوبمندی ءِ تہ کرد ءَ ادا کنگ انت۔آہاں گوشت کہ مات ءُُ پت زھگانی ھاترا باز قربانیاں دیئگ انت ءُُ زھگ ءَ را ھم اے قربانیانی احساس کنان ءَ وتی دلگوشی وانگ ءُُ زانگ ءِ تہ ایر کنگ بہ بیت۔آہاں گوشت کہ پاکستانیءَ دگنیا ءِ لہتیں ملکانی تہ وتی محنت ءَ گوں سوبمندی ءِ بیرگ جتگ ات ءُُ پاکستان ءِ نام روژن کتگ۔آہاں گوشت کہ برطانیہ ءِ تہ پاکستان ءِ ھاترا جی ایس پی پلس سٹیٹس ءِ آسرءَ 15 ملین ڈالر ءِ معاشی نپ سربوتگ۔ گورنر جوڈ بوھگ ءِ پدا مزن تکی وانگی اولی دلگوشی ات مہ ایڈہاک ازم ءَ را ھلاس کتگ ءُُ ریگولر بنیاتاں باصلاحیت وائس چانسلر زءِ گچین کنگ بوتگ ات ایشی ءَ چہ یونیورسٹی آنی تہ وانگی ءِ معیار ءِ تہ ودکی اتکگ۔آہاں گوشت کہ غربت،ناشرکاری،انتہاپسندی ءِ ھلاسی،کشت ءُُ کشاری ءِ دیم روئی ءُُ معاشی وشھالی باز مستریں چیلنج انت ءُُ دراھیں راج ءَ را یک جان بوان ءَ چیلنجز ءِ مقابلہ کنگی انت۔آہاں گوشت کہ استیں حکومت ءِ پالیسی، بین المذاہب ہم آہنگی، ناشرکاری ءِ سرا گرودار ءِ کوشستاں را ساڑانگ بوتگ۔آہاں گوشت کہ دگنیا ءِ درستاں چہ مستریں پارلیمنٹ ءِ تہ پاکستان ءِ حق ءَ شش منگ نامہ منظور بوتگ ات ایشانی تہ کشمیر ءِ تہ کتگیں زلم ءُُ زوراکی ءِ ایراد جنئگ بوتگ ءُُ یورپی پارلیمنٹ ءِ تہ بھارت ءِ متنازعہ بل ءِ مخالفت کنگ بوتگ ہمہ کہ پاکستان ءِ مزنیں سوبمندی انت۔ گورنر پنجاب ءَ گوشت کہ سرجمیں دگنیا ءَ ناشرکاری ءِ سرا گرودارءِ ھاترا پاک فوج ءِ ہزمت ءَ را ساڑاتگ ءُُ اے مئے ھاترا پکر گپ انت۔ وائس چانسلر ہائی ٹیک یو نیورسٹی پروفیسر ڈاکٹر محمد یونس جاوید (ستارہ امتیاز ملٹری)ءَ گوشت کہ سرجمیں دگنیا ءِ تہ پاکستانی نودربرانی کارءِ ہچ بروبر نیست انت ءُُ نودربروتی جدوجہد ءَ برجاہ دارتانت ءُُ وتی مات ءُُ پت ءِ امیتانی سرا پیلو بہ بنت۔واائس چانسلر ہائی ٹیک یو نیورسٹیءَ گوشت کہ ہائی ٹیک یونیورسٹی بین الاقوامی تبک ءِ سرا مقتدر ادارگہاں گوں ہمگرنچ انت ایشی ءِ سبب ءَ نودربرءَ را پٹ ءُُ پولکاری ءِ گہتریں موہ رسگ انت ءُُ چارمی سالینہ کانوکیشن ءِ تہ مچ 815 نودربراں ڈگری حاصل کتگ ات۔ایشانی تہ 13 پی ایچ ڈیز ھم ھوار انت۔آہاں گوشت کہ ایم ایس پروگرامز ءِ تہ ضیاء اللہ اسلم، خدیجہ خاتون، بشریٰ جبیں، اسرار احمد، مہشان علی خان، جویریہ عابد، یاسر حمید، زوہیب عاشق، محمد ریاض ءَ گولڈ میڈل زرتگ ات۔
