اسلام آباد۔ 02فروری (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ مزن وزیر عمران خان تمنی مہلوک ءِ وشھالی ءِ ھاترا جزم دار ءُُ سرگرم انت،انضمام بوتگیں دمگانی تعمیر ءُُ ترقی ھاسکر ورناہانی روزگار ءِ پھجارگ مئے اولی دلگوشی انت۔یک شمبے ءَ وتی ٹویٹ ءِ تہ ڈاکٹر فردوس عاشق اعوان ءَ گوشت کہ محب وطن قبائلی مہلوک ءَ را آہانی قربانی،صبر ءُُ استقامت ءِ میوہ الم رسیت۔ آئینی جمہوری حقوق ءِ پھجارگ سدکی جوڈ کنان ءَ آہاں را وت واک جوڈ کنیں۔آہاں گوشت کہ امن ءُُ ایمنی ءِ برجاہی ءِ ھاترا بیم کار ءُُ ناشرکار دیم پروشت بہ بنت ءُُ پاکستان ءِ آئین ءَ را رد کنوکانی ھاترا پاکستانی راج ءِ دل ءِ تہ ہچ جاگہ نیست انت۔آہاں گوشت کہ دومی آنی دستانی کھلونا جوڈ بیوکیں ناشرکارءَ را قبائلی مہلوک ءِ دیمروئی ءُُ وشھالی ءَ گوں لییب ءِ موکل دیگ مہ بیت۔
