اسلام آباد۔ 2 فروری (اے پی پی) اسپیکر قومی اسمبلی اسد قیصر ءَ پارلیمنٹ باسکانی پگھارانی تہ ودکی ءِ بل ءَ را غیر مناسب قرار داتگ ءُُُ گوشت کہ ملک ءِ تہ انوں معاشی بحران ءِ سرا سرجمیں وڈ ءَ گرودار نہ اتکگ،ملکی معیشت ءَ را گہتر کنگ ءِ تہ وھد لگ ایت۔یک شمبے ءَ پارلیمنٹ باسکانی پگھارانی تہ ودکی ءِ لوٹ سرا اسپیکر بنجاہی اسمبلی ءَ وتی رد عمل دیان ءَ گوشت کہ مزن وزیر عمران خان ءِ وژن ءِ ردا ملک ءَ را معاشی بحران ءَ چہ در کنگ ءِ ھاترا حکومت کفایت شعاری ءِ سرا عمل پیرا انت،مزن وزیر عمران خان ءِ سوگو ءِ معاشی پالیسیانی آسرءَ ملک معاشی بحران چہ درکپگ انت۔استیں جاورھال ءِ تہ پگھارانی ودکی ءَ چہ ملکی ھزانگ ءِ سرا برڈن ءِ تہ ودکی بیت،پارلیمنٹ باسکانی پگھارانی تہ ودکی ءِ ھاترا شریں وھد نیست انت۔ اسپیکر قومی اسمبلی ءَ پارلیمنٹ باسکانی پگھارانی ودکی ءِ بل ءَ را غیر مناسب گوشتگ،اسد قیصر ءَ گوشت کہ پارلیمنٹ باسکانی پگھارانی تہ ودکی ءِ لوٹ ہمہ وھد ءَ کنگ بیت کہ وھدیکہ ملکی ھزانگ ایشی ءِ بارءَ سگ ایت۔
