اسلام آباد ۔ 31 جنوری (اے پی پی) مزن وزیر عمران خان ءَ گوشت کہ بزگیں ءُُ گریبیں مردم زالبول آناں 200ارب کلدار ءِ کساس ءَ چہ گیش پاکشتان ءِ راجدپتر ءَ درستاں چہ مستریں گہبودی پروگرام ءِ بنگیج کنگ بوتگ، مزنو زیر عمران خان ءِ احساس کفالت پروگرام ءِ بنگیجی دیون ءَ گوں گشتانک کنان ءَ کت ۔ آئی ءَ گوشت کہ گریبیں گس ءَ گوں سیادی داروکیں زھگ آناں سکالرشت دیگ ءِ پروگرام ھم زوت بندات کنگ بیت، آ آدینگ ءِ روچ ءَ احساس کفالت پروگرام ءِ بنگیجی مراگش ءَ گوں گشتانک دیان ءَ کت ۔ چیئرپرسن احساس پروگرام ڈاکٹر ثانیہ نشتر، مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، سینیٹ ءِ قائمہ کمیٹی اھوالکاری ءُُ شنگ کاری ءِ چیئرمین سینیٹر فیصل جاوید ءَ ھوار ایندگر کارندہ اے موہ ءِ سر ءَ ساڑی اتنت ۔ مزن وزیر ءَ اے موہ ءِ سر ءَ احساس کفالت کارڈ ھم بازیں گریب ءُُ بے وسیں زالبول آناں بھر ءُُ بانگ کت ۔
