کبینی نا مونءِ توننگ کن ہلہلہ ئی بنداو تیا گام گیج کننگ اُن، وزیر مملکت زرتاج گل

اسلام آباد ۔ 31 جنوری (اے پی پی) وزیر مملکت موسمیاتی بدلی زرتاج گل پارینے کہ قبائلی تا معاشی سوگوی حکومت نا اولیت آتے ٹی اوار ءِ ، (ن) لیگیک مٹھائی بشخنگ اٹ ہر وار اشتافی کیرہ، ٹرانسپرنسی انٹرنیشنل نا وضاحت آن ننا برخلاف پروپیگنڈا کروک آک چپ مسنو ، تینا حلقہ نا الس نا ویل آتیان جوانی اٹ بلد اُٹ، وزارت موسمیاتی بدلی گرین انٹر پرینیور شپ پروگرام نا بناءِ کرینے ہرانا کمک اٹ ہزار آ زالبول و خواجہ سرا تے تربیت تننگک تانکہ او چاگڑد دوست شاپنگ بیگ جوڑ کرسا تینا کٹیا ٹی جوان ودکی کننگ کیر ۔ ’’اے پی پی‘‘ تون گپ و تران کرسا زرتاج گل پارے کہ قبائلی علاقہ غاتے قومی دنگ اٹ اوار کننگ کن داوڑنا گام گیج ہفتاد سال اٹی اسہ حکومت اس ہم کتنے ۔ اینو تحریک انصاف نا حکومت نا سوب دا پاکستان نا اولیکو علاقہ ءِ ہراڑے ہر خاہوت ءِ جان جوڑی نا بھلو آسراتی اس فراوان کننگانے ۔ اوپارے کہ ننا قبائلی تا معاشی سوگوی حکومت نا اولیت ءِ و کنے خوشی ءِ کہ الس نا ننے آ پت بحال ءِ و مدام برقرار سلک ۔ اوپارے کہ (ن) لیگیگ مٹھائی بشخنگ اٹ ہر وار اشتافی کیرہ و ٹرانسپرنسی انٹرنیشنل نا وضاحت آن ننا برخلاف پروپیگنڈہ کروک آک چپ کرینو ۔ زرتاج گل پارے کہ تینا حلقہ این اے 191نا الس نا ویل آتیان جوانی اٹ معلومدار اُٹ ۔ دامشکل وخت اٹی تینا خصوصی فنڈ آن 23خلق ءِ بجلی فراوان کننگ اُٹ، انشاء اللہ تینا فیز ٹو انا فنڈ آن پین50 آن 60 خلق انا بجلی نافراوانی ءِ پک کیوہ ۔ اوپارے کہ ننا وزارت الس اٹ موسمیاتی بدلی تا بابت آگاہی تون روزگار ناوارخواہی ہم فراوان کننگ ءِ ۔ اوپارے کہ ہاءوسنگ سوساءٹی تے دا ہیت انا پابند کینہ کہ او پارک آتے کن جتا کروک جاگہ غاتے پین مسخت اسے کن کاریم اٹ اتپس، پاکستان تحریک انصاف نا حکومت برسراقتدار بننگ آن پد غٹ آن زیات چکار بے پرخ احتساب، چاگڑدی کچٹی نا مون ءِ توننگ و الس نا زند انا آب ءِ بلند کننگ کن احساس پروگرام آ تخانے ۔ حکومت کبینی نا مون ءِ توننگ کن ہلہلہ ئی بنداو تیا گام گیج کننگ ءِ ۔ وزیر مملکت پارے کہ ملک اٹی نوکاپی دیرءِ رکھ کننگ کن بنجائی و صوبائی حکومت آتے بھلا ڈٹ آتیا کاریم کننگ نا گرج ءِ دا مسخت کن وزارت موسمیاتی بدلی ’’ریچارج پاکستان‘‘ ڈٹ اس بناکننگ والا ءِ و وزیراعظم عمران خان دا ڈٹ انا سمری ءِ منظور کرینے ۔ اوپارے کہ ریچارج پاکستان ڈٹ انا رداٹ سندھ و بلوچستان اٹی جوان انگا ہند آتیا بھلو تلاپ جوڑ کننگک ہراڑان نئے بیرہ ڈغار اٹی دیر انا کچ بڑز مننگ اٹ کمک رسینگک بلکن فصل آتا دسنگ اٹ ہم کمک مریک ۔