اسلام آباد ۔ 31جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان نا احساس کفالت کارڈ انا بناءِ کننگ’’ریاست نا لمہ‘‘ مننگ نا سوچ انا رداٹ اسہ پین گام اسے، احساس کفالت پروگرام فلاحی ریاست نا کنڈا پیش رفت اسے ہرانا رداٹ کم و ود ہفتاد لکھ نیزگار زالبول آتے 2 ہزار روپئی تُوئی وظیفہ تننگک ۔ داخیال آتا درشانی ءِ او جمعہ نادے آ تینا ٹویٹ اٹی کرے ۔ ڈاکٹر فردوس عاشق اعوان پارے کہ احساس نا جوزہ انسانی رشتہ غاتے سوگو کیک، پوسکن آ پاکستان نا بنداو ہندا احساس آ قائم ءِ ۔ خصوصی کمکار نا پاننگ ئس دا پروگرام وزیراعظم عمران خان نا وژن’’اسہ زالبول اسہ بینک اکاءونٹ‘‘ نا عکاس ءِ و دا زالبول آتا معاشی وتواجہی نا کنڈا اہم ءُ مزل نا نشان اس مریک ۔
